पीएचडी मिळाल्याने मकरंद गिरी यांचा अहमदपूर येथे सत्कार

अहमदपूर (गोविंद काळे) : उत्कृष्ट वक्ता म्हणून परिचित असलेले प्रा. मकरंद गिरी यांना नुकतीच पीएचडी पदवी प्राप्त झाल्याने त्यांचा नुकताच अहमदपूर येथे सत्कार करण्यात आला. मकरंद गिरी यांनी नांदेड येथील स्वामी रामानंद तीर्थ मराठवाडा विद्यापीठातून राज्यशास्त्र या विषयात पीएचडी पदवी प्राप्त केल्याने त्यांचे सर्वत्र कौतुक होत आहे. अहमदपूर तालुक्यातील उमरगा यल्लादेवी येथील रहिवासी असलेले मकरंद गिरी यांचा यावेळी सत्कार अहमदपूर तालुक्यातील गोसावी समाज बांधवांच्या वतीने गोविंदराव गिरी यांच्या हस्ते नुकताच करण्यात आला.यावळी हणमंत गिरी, श्रीधर गिरी , बालाजी गिरी, पोलिस जमादार भगवान गिरी, भरत अरण्ये, मुरलीधर भारती, संकेत गिरी, संजय पुरी,ग्यानदेव गिरी, नवनाथ गिरी, अतुल गिरी,रुद्र गिरी यांच्या सह गोसावी समाज संघटनेचे सर्व समाज बांधव मोठ्या संख्येने उपस्थित होते.