मराठा समाजाच्या वतीने अहमदपूरात सामुहिक वर्षश्राद्ध घालणे व जेलभरो आंदोलन
मराठा समाजाच्या वतीने अहमदपूरात सामुहिक वर्षश्राद्ध घालणे व जेलभरो आंदोलन
अहमदपूर (गोविंद काळे) : सकल मराठा समाजाच्या वतीने विविध मागण्यांसाठी अहमदपूर येथील छत्रपती शिवाजी महाराज चौकामध्ये सर्वपक्षीय मराठा नेत्यांचे सामुहिक श्राद्ध घालणे व जेलभरो आंदोलन करण्यात आले.
सकल मराठा समाजाच्या वतीने श्राद्ध घालणे कार्यक्रमात संघर्षयोद्धा मनोजदादा जरांगे पाटील यांच्या नेतृत्वामध्ये गेल्या एक वर्षापासून मराठा समाजाला ओबीसी प्रवर्गामधून ते ही 50% च्या आतून आरक्षण मिळावे, यासाठी लोकशाही मार्गाने अनेक वेळा मराठा समाजाच्या वतीने उपोषण केली आहेत. या संपूर्ण वर्षभरामध्ये महाराष्ट्रात विविध मार्गाने आंदोलने केले व अंतरवाली सराटी जि. जालना येथे झालेल्या अमाणूष लाटीचार्ज व गोळीबारस एक वर्ष पूर्ण होऊन सुद्धा महाराष्ट्र शासनाने मराठा समाजाच्या कोणत्याच मागण्या मान्य केलेल्या नाहीत. त्याउलट शासनाने आंदोलकावरच खोटे दाखल केले आहेत तसेच आंदोलकावरील गुन्हे मागे घेणे व मराठा समाजाला ओबीसी प्रवर्गामधून आरक्षण देण्याचे वचन सरकारने तीन वेळेस दिले होते. तसेच मुख्यमंत्री एकनाथ शिंदे यांनी छत्रपती शिवाजी महाराज यांची शपथ घेऊन आरक्षण देण्याचा शब्द दिला होता तो ही पाळला नाही तसेच ४०० वर्षापूर्वी बांधलेले गढकिल्ले आणखीन मजबुत असून ८ महिन्याखाली बसवलेला छत्रपती शिवाजी महाराज यांचा पुतळा वाऱ्याने पडला असे बेताल वक्तव्य उपमुख्यमंत्री देवेंद्र फडणवीस यांनी करून मोकळे झाले हे अशोभनीय असल्याचे यावेळी सांगण्यात आले. तसेच महाराष्ट्रातील मराठा समाजाचा कोणताही नेता व त्यांच्या पक्ष आरक्षणाच्या बाजूने ठोसाची भूमिका घेतलेली नाही. त्यामुळे या सर्वांचा निषेध म्हणून आज 29 ऑगस्ट रोजी सकाळी 11 वाजता छत्रपती शिवाजी महाराज चौक, अहमदपूर या ठिकाणी सर्व पक्षीय मराठा नेत्यांचा श्राद्ध घालून आंदोलन करण्यात आले.
यावेळी प्रा. गोविंद शेळके, प्रा.नाना कदम, प्रा. रोहिदास कदम, प्रा.विनोद माने, शिवशंकर लांडगे , जयराम पवार, देवानंद मुळे आदिंनी यावेळी समाजाच्या वतीने शोक व्यक्त केला. यावेळी यावेळी प्रा. गोविंद शेळके, विजयकुमार बोडके, गणेश पवार, सुनील पवार,माणिक कदम, प्रवीण मुळके, बालाजी कदम जवळगेकर, धनंजय साखरे, श्रीधर तराटे, शिवाजी पाटील, आगलावे, सुनील पाटील, धनराज पाटील , शिवशंकर लांडगे, पिके मुळे, मुकेश पाटील, दत्तात्रय अडसूळ, शैलेश जाधव, शिवाजी पाटील , सतीश नवटके, सिद्धार्थ दापके , राम मुळके, विशाल जाधव, भास्कर जाधव, विजय पवार यांच्यासह असंख्य सकल मराठा समाज बांधव उपस्थिती होता.
वर्षश्राद्ध कार्यक्रमाचे प्रास्ताविक ॲड.आनंद जाधव व सुत्रसंचालन मुकेश पाटील यांनी केले. यावेळी सकल मराठा समाजाचे सर्व पदाधिकारी, कार्यकर्ते उपस्थित होते.
About The Author
