तालुकास्तरीय ग्रंथोत्सव उत्साहात संपन्न
तालुकास्तरीय ग्रंथोत्सव उत्साहात संपन्न
शिरूर अनंतपाळ : महावाचन चळवळ 2024 – 25 या शैक्षणिक वर्षांमध्ये तालुकास्तरीय ग्रंथोत्सव श्री नूतन अनंतपाळ विद्यालय, शिरूर अनंतपाळ येथे संपन्न झाले. या तालुकास्तरीय ग्रंथोत्सवाचे उद्घाटन तालुक्याचे गटविकास अधिकारी मा. श्री. बळीरामजी चव्हाण साहेब तसेच तालुक्याचे गटशिक्षण अधिकारी मा. श्री. अनिलजी पागे साहेब यांच्या अध्यक्षतेखाली तसेच प्रमुख उपस्थिती संस्थचे अध्यक्ष मा. श्री. नामदेव जगताप, मुख्याध्यापक मा. श्री. शिवाजी मादलापुरे तसेच तालुका ग्रंथालय संघाचे अध्यक्ष मा. श्री. एल. बी. आवाळे व उपाध्यक्ष मा. ग्रंथमित्र संजय सूर्यवंशी श्री. साहेबराव गायकवाड तसेच सचिव मा. ग्रंथमित्र काशिनाथ बोडके व केंद्रप्रमुख श्री. बालाजी बिडवे, श्री. दामाजी बालूरे सदन व्यक्ती महादेव लोखंडे, सुनिल गायकवाड, विशेष शिक्षक सलिम अतनुरकर, अशफाक पठाण, तालुक्यातील ग्रंथालयाचे सर्व पदाधिकारी व ग्रंथपाल उपस्थित होते.
यावेळी उत्स्फूर्तपणे मनोगत व्यक्त करताना तालुका ग्रंथालय संघाचे उपाध्यक्ष मा. ग्रंथमित्र संजय सूर्यवंशी यांनी तालुक्यातील ग्रंथालयाच्या भौतिक सुविधेसाठी 14 व्या वित्त आयोगातून भरिव निधी उपलब्ध करून देण्याची मागणी केली.
त्यानंतर अनिलजी पागे साहेब यांनी तालुक्यातील ग्रंथालयासाठी शिक्षण विभागामार्फत जी काही मदत लागेल ती पूर्तता करण्याचे आश्वासन दिले. तसेच महावाचन उत्सवाचा मुख्य उदेश शाळेशी ग्रंथालयाची नाळ घट्ट – करणे व विध्यार्थ्यांची मराठी मातृ भाषेशी नाळ घट्ट करणे हाच आहे.
तसेच उद्घाटकीय भाषणांमध्ये मा. श्री. बळीरामजी चव्हाण साहेब यांनी तालुका ग्रंथालय संघाच्या रास्त मागण्या शासन दरबारी मांडून न्याय मिळवून देण्याचे आश्वासन दिले. तसेच सर्व ग्रामसेवक यांना तालुक्यातील शासन मान्य ग्रंथालयांना वित्त आयोगातून ग्रंथालयाच्या भौतिक सुविधेसाठी निधी उपलब्ध करून देण्याचे आश्वासित केले. ग्रंथोत्सवात एकूण ३२ ग्रंथालयानी १५३०० ग्रंथाचे प्रदर्शन भरून उत्साहात सहभाग नोंदवला सदर ग्रंथ प्रदर्शन पाहण्यासाठी तालुक्यातील जिल्हा परिषद व संस्थेच्या सर्व शाळेतील विद्यार्थ्यांनी ग्रंथ पाहण्याचा व वाचण्याचा मनमुराद आनंद लुटला या तालुकास्तरीय ग्रंथ उत्सव उद्घाटन सोहळ्याचे सूत्रसंचालन श्री सतीश नाईकवाडे यांनी केले.
About The Author
