उपक्रमशील विषय साधनव्यक्ती कामाक्षी कल्याणराव पवार यांच्या उपक्रमाची राष्ट्रीय स्तरावर निवड
उपक्रमशील विषय साधनव्यक्ती कामाक्षी कल्याणराव पवार यांच्या उपक्रमाची राष्ट्रीय स्तरावर निवड
अहमदपूर (गोविंद काळे) : गट साधन केंद्र अहमदपूर येथील उपक्रमशील विषय साधनव्यक्ती कामाक्षी कल्याणराव पवार यांच्या उपक्रमाची राष्ट्रीय स्तरावर निवड झाल्यामुळे मान्यवरांच्या हस्ते सन्मानचिन्ह प्रमाणपत्र व पुष्पगुच्छ देऊन सन्मानित करण्यात आले. याबाबत सविस्तर वृत्त असे की, स्टेट इनोव्हेशन अँड रिसर्च फाउंडेशन, महाराष्ट्र द्वारा आयोजित राष्ट्रीय शैक्षणिक नवोपक्रम शिक्षण परिषद- 2024 या दोन दिवशीय दि.31 ऑगस्ट 2024 व दि.1 सप्टेंबर 2024 शिक्षण परिषदेत गट साधन केंद्र, अहमदपूर जिल्हा लातूरच्या उपक्रमशील विषय साधनव्यक्ती कामाक्षी कल्याणराव पवार यांच्या चला मुलांनो स्वमत मांडूया या नवोपक्रमाची निवड झाल्यामुळे त्यांना सोलापूर येथे नुकत्याच पार पडलेल्या दोन दिवशीय नॅशनल लेवल इनोव्हेशन कॉन्फरन्स मध्ये उपस्थित मान्यवरांच्या हस्ते सन्मान चिन्ह, प्रमाणपत्र व पुष्पगुच्छ देऊन सन्मानित करण्यात आले.
या सन्मान सोहळ्यासाठी प्रमुख पाहुणे सारथी संस्था महाराष्ट्र राज्य पुणे, येथील संचालक अशोक काकडे, भारत सरकारच्या राष्ट्रीय रासायनिक प्रयोगशाळा एनसीएल पुणे चे जेष्ठ शास्त्रज्ञ डॉ. आशिष भट्टाचार्य, सकाळचे सोलापूर जिल्हा संपादक अभय दिवाण, बालभारतीचे सदस्य अजय कुमार लोळगे, एस. सी.ई. आर. टी. चे सहसंचालक श्रीमती शोभा खंदारे/ पवार, चंद्रकांत खंदारे, संजय जगताप, डॉ .सतीश सातपुते सर फाउंडेशनचे समन्वयक सिद्धाराम माशाळे, बालासाहेब वाघ, हेमा शिंदे बीड डायटचे प्राचार्य इब्राहिम नदाफ, जिल्हा प्राथमिक शिक्षणाधिकारी सोलापूर कादर शेख, राजकिरण चव्हाण, भाऊसाहेब चासकर, डॉ. सुहासिनी शहा, मनीषा आव्हाळे यांच्या प्रमुख उपस्थितीत पुरस्कार प्रदान करण्यात आला. आत्तापर्यंत कामाक्षी पवार यांना राष्ट्रीय, राज्यस्तरी व विविध संस्थांच्या माध्यमातून 21 पुरस्कार प्राप्त झाले आहेत. सर फाउंडेशन ही संस्था राज्यभरातील उपक्रमशील शिक्षकांच्या नवोपक्रमाची निवड करून त्यांचा गौरव करते व त्यांच्या नवोपक्रमाच्या कार्याला सतत प्रेरणा देत असते.
कामाक्षी पवार यांना सदरील पुरस्कार मिळाल्याबद्दल लातूर डायटच्या प्राचार्य डॉ. भागीरथी गिरी , डॉ. जगन्नाथ कापसे, डॉ.राजेश गोरे, संतोष ठाकूर,इमाम मिर्झा, योगेश्वरी नाडे , मेनकुदळे गटशिक्षणाधिकारी बबनराव ढोकाडे, इंदुमती जोगदंड, मनीषा गुणाले, लक्ष्मण कांबळे, राम चामे, डॉ . बालाजी कारामुंगीकर तसेच तालुक्यातील सर्व शिक्षक बंधू भगिनी, सर्व सहकारी, फाउंडेशन लातूरच्या जिल्हा समन्वयक राज्य पुरस्कार प्राप्त शिक्षिका शोभा माने, उपक्रमशील शिक्षक प्रमोद हुडगे, शोभा शेळके, निता मोरे, आशा रोडगे, अश्विनी कासनाळे, डॉ.स्मिता मामिलवाड,अणिता खडके नातेवाईक व मित्र परिवार यांनी त्यांचे अभिनंदन केले आहे व त्यांचे सर्व स्तरातून कौतुक होत आहे.
About The Author
