माजी खा. सुधाकर शृंगारे यांचा झंजावाती दौरा….”साहेब तुतारी घेऊन या हो….” कार्यकर्त्यांचा आग्रह !!
माजी खा. सुधाकर शृंगारे यांचा झंजावाती दौरा…."साहेब तुतारी घेऊन या हो…." कार्यकर्त्यांचा आग्रह !!
उदगीर (प्रतिनिधी) : लातूर जिल्ह्याचे माजी खासदार सुधाकरराव शृंगारे हे उदगीर विधानसभा मतदारसंघातील कार्यकर्त्यांना भेटून, लोकसभा निवडणुकीच्या वेळी केलेल्या सहकार्याबद्दल आभार व्यक्त करत करत आहेत. त्यांनी विधानसभा मतदारसंघातील अनेक प्रमुख कार्यकर्ते आणि यांच्या गाठीभेटी केल्या. याप्रसंगी कार्यकर्त्यांनी त्यांना उदगीर विधानसभा मतदारसंघातून निवडणूक लढवावी, असा आग्रह धरला. इतकेच नाही तर भारतीय जनता पक्षाच्या नेत्यांनी आणि प्रमुख कार्यकर्त्यांनी देखील आपला विश्वासघात करून धोका दिला, त्यामुळे भारतीय जनता पक्षाकडून नको तर राष्ट्रवादी काँग्रेस शरदचंद्र पवार पक्षाची अर्थात तुतारी कडून उमेदवारी घेऊन या. असाही आग्रह धरलेला पाहायला मिळाला. माजी खासदार सुधाकर शृंगारे यांच्या बद्दल उदगीर विधानसभा मतदारसंघातील सर्वसामान्य माणसाच्या मनामध्ये आदर आहे. एक प्रामाणिक आणि जनतेची सेवा करणारा लोकप्रतिनिधी अशी त्यांची ओळख आहे. त्यामुळे कार्यकर्त्यांचा मोठा संग्रह त्यांच्याकडे आहे. त्याच बळावर तुम्ही विधानसभेची निवडणूक लढावी असा आग्रह कार्यकर्त्यांनी धरला आहे. यासंदर्भात स्वतः सुधाकर शृंगारे यांनी अजून आपण नेमकी भूमिका ठरवलेली नाही, मात्र लवकरच काहीतरी निर्णय घेऊन सक्रिय होण्याची संकेत त्यांनी दिले.
राजकारणामध्ये सक्रिय असेन किंवा नसेन मात्र उदगीर विधानसभा मतदारसंघांमध्ये शाश्वत विकास करण्याच्या दृष्टीने आपण प्रयत्न करू, अशी शाश्वती देखील कार्यकर्त्यांना त्यांनी दिली. आपण कार्यकर्त्यांना वाऱ्यावर सोडणार नाही. कार्यकर्त्यांची फळी उभारून समाजकार्य सुरूच ठेवणार असा विश्वासही त्यांनी कार्यकर्त्यांना दिल्यामुळे कार्यकर्त्यांमध्ये नवचैतन्य निर्माण झाले आहे. शेकडो कार्यकर्त्यांनी स्वयंस्फूर्त त्यांची भेट घेऊन त्यांना उमेदवारी घेऊनच या, असे साकडे घातले आहे.
सद्यस्थितीत गणेशोत्सवाच्या निमित्ताने उदगीर विधानसभा मतदारसंघात गावोगावी मोठ्या प्रमाणात बॅनरबाजी ही माजी खासदार सुधाकर शृंगारे यांच्या कार्यकर्त्यांनी केली आहे. ही सर्व पार्श्वभूमी पाहिल्यास त्यांची उमेदवारी जवळपास निश्चित असल्याचे बोलले जात आहे.
About The Author
