एकता सार्वजनिक गणेश मंडळ रुद्धा येथे सांस्कृतिक कार्यक्रम संपन्न
एकता सार्वजनिक गणेश मंडळ रुद्धा येथे सांस्कृतिक कार्यक्रम संपन्न
अहमदपूर (गोविंद काळे) : तालुक्यातील रुद्धा येथील एकता सार्वजनिक गणेश मंडळाच्या वतीने 11 सप्टेंबर रोजी सांस्कृतिक कार्यक्रमाचे आयोजन करण्यात आले होते. आरती संध्याकाळी ठीक 07:00 वाजता करण्यात आली. व एकता गणेश मंडळाच्या वतीने सर्व पत्रकार बांधवांचा सत्कार सोहळा आयोजित करण्यात आला होता. या सत्कार सोहळ्यासाठी गणेश मुंडे (लोकनेता न्यूज),श्री भीमराव कांबळे (A T N मराठी न्यूज ) श्री त्रिशरण मोहगावकर (न्यूज महाराष्ट्र टुडे ) हे पत्रकार उपस्थित होते त्यांचा गणेश मंडळाच्या वतीने सत्कार व सन्मान करण्यात आला.
त्यानंतर सांस्कृतिक कार्यक्रमाचे सुरुवात करण्यात आली या सांस्कृतिक कार्यक्रमांमध्ये तब्बल 40 स्पर्धकांनी सहभाग नोंदवला होता. यामध्ये डान्स, गीत गायन, भाषण अशा विविध कला सादर करून उपस्थितांचे मनी जिंकली. बाप्पा मोरया रे, लल्लाटी भंडार, हे देवा गणेशा, चुडी जो खनके हाथो मे इत्यादी गाण्यावर सुंदर नृत्य सादर केले. तसेच काही स्पर्धकांनी महापुरुषावर भाषण केले.
प्रेक्षकाकडूनही सर्व स्पर्धकांना दाद मिळाली. सर्व स्पर्धकांना एकता गणेश मंडळाच्या वतीने बक्षीस देण्यात आले. तसेच सरपंच गजानन चंदेवाड यांच्यातर्फे सर्व स्पर्धेत सहभागी स्पर्धकांना शालेय साहित्याचे वाटप करण्यात आले.
यावेळी उपसरपंच नाथराव केंद्रे, मंडळाचे अध्यक्ष, उपाध्यक्ष, सचिव व सर्व सदस्य तसेच गावातील माताभगिनी, पुरुष मंडळी, बाल गणेश भक्त मोठ्या संख्येने उपस्थित होते. या कार्यक्रमाचे सूत्रसंचालन व आभार सतीश केंद्रे यांनी मानले.
About The Author
