उदगीर रोटरी क्लबचा सोमवारी पदग्रहण सोहळा व आदर्श शिक्षक पुरस्कारांचे वितरण
उदगीर रोटरी क्लबचा सोमवारी पदग्रहण सोहळा व आदर्श शिक्षक पुरस्कारांचे वितरण
उदगीर (प्रतिनिधी) : येथील रोटरी क्लब ऑफ उदगीर सेंट्रल सन २०२४-२५ च्या पदाधिकाऱ्यांचा पदग्रहण सोहळा सोमवार दि. १६ सप्टेंबर २०२४ रोजी होणार आहे. यावेळी एका सेवानिवृत्त शिक्षिकेचा जीवनगौरवने तर पाच आदर्श शिक्षिकांचा गौरव करण्यात येणार आहे. कार्यक्रमास उपस्थित राहण्याचे आवाहन मावळत्या अध्यक्षा मंगला विश्वनाथे यांनी केले आहे. या पदग्रहण सोहळ्यासाठी व पुरस्कार वितरणासाठी रोटरी डिस्ट्रिक्ट ३१३२ चे सन
२६-२७ चे प्रांतपाल जयेश पटेल, डिस्ट्रिक्ट ३१३२ चे सहा. प्रांतपाल पठाण नजीब माजिद खान हे उपस्थित राहणार आहेत. रोटरी क्लब ऑफ उदगीर सेंट्रल सन २०२४- २५ च्या अध्यक्षपदी सरस्वती चौधरी यांची तर सचिवपदी ज्योती चौधरी यांची सर्वानुमते निवड करण्यात आली आहे.
तसेच याप्रसंगी संपूर्ण संचालक मंडळाचीही निवड करण्यात आली. रोटरीच्या नुतन संचालकांमध्ये विशाल जैन, रविंद्र हसरगुंडे, डॉ. सुलोचना येरोळकर, डॉ. सुधीर जाधव, प्रशांत मांगुळकर, विद्या पांढरे, अँड. विक्रम संकाये, चंद्रकांत ममदापुरे, प्रमोद शेटकार, नागेश आंबेगावे, कीर्ती कांबळे, डॉ. दत्तात्रय पाटील, विजयकुमार पारसेवार, किशोर पंदीलवार, सुयश बिरादार, संतोष फुलारी, विशाल तोंडचीरकर, भागवत केंद्रे, शिवप्रसाद बोळेगावे, रामेश्वर निटूरे, डॉ. विजयकुमार केंद्रे, आशिष अंबरखाने, डॉ. मोहन वाघमारे, मल्लिकार्जुन चिल्लरगे, महानंदा सोनटक्के, व्यंकटराव कणसे, डॉ. सुनीता चवळे, बिपीन पाटील, सुनीता मदनूरे, अँड. मंगेश साबणे आदींचा समावेश असून या सर्व पदाधिकाऱ्यांचा पदग्रहण सोहळा सोमवार दि.
१६ सप्टेंबर रोजी ओमकार मंगल कार्यालय, डॅम रोड, उदगीर याठिकाणी सायं. ४ वा. होणार आहे. सदर कार्यक्रमात सेवानिवृत्त शिक्षिका उषा तोंडचीरकर यांचा जीवनगौरव तर अनुराधा धोंड, प्रतिभा बिरादार, सुनीता भंडे, प्रभावती वडजे व वर्षा राठोड आदींचा राष्ट्राचे शिल्पकार पुरस्काराने गौरव करण्यात येणार आहे. कार्यक्रमाला उपस्थित राहण्याचे आवाहन रोटरी क्लबच्या वतीने करण्यात आले आहे.
About The Author
