माऊली विद्यालयात मराठवाडा मुक्ती संग्राम दिन उत्साहात संपन्न
माऊली विद्यालयात मराठवाडा मुक्ती संग्राम दिन उत्साहात संपन्न
लातूर (प्रतिनिधी) : माऊली शिक्षण प्रसारक मंडळ लातूर द्वारा संचलित माऊली बालक मंदिर माऊली विद्यार्थी विकास केंद्र व माऊली इंटरनॅशनल मॉडेल स्कूल येथे 17 सप्टेंबर मराठवाडा मुक्ती संग्राम दिनानिमित्त ध्वजारोहण प्रमुख पाहुणे मा. सुलोचना बाहेती नोगजा मॅडम यांच्या शुभहस्ते संपन्न झाले. प्रमुख पाहुण्यांचे स्वागत विद्यालयाच्या प्राचार्या सौ.आरडले मॅडम यांच्या हस्ते करण्यात आले. कार्यक्रमाचे प्रास्ताविक संस्था सचिव श्री गंगाधर आरडले सर केले. याप्रसंगी संस्थेचे कोषाध्यक्ष श्री तानाजी बेवनाळे पाटील उपस्थित होते.
या कार्यक्रमांमध्ये विद्यालयातील बालवाडी ते दहावीपर्यंतच्या सर्व गटातील विद्यार्थ्यांनी उत्कृष्ट भाषणे सादर करून उपस्थितांची मने जिंकली. कार्यक्रमाचे मुख्य आकर्षण ऐतिहासिक प्रकल्प प्रदर्शन होते.विद्यालयातील विद्यार्थ्यांनी अतिशय उत्कृष्ट असे प्रकल्प तयार केले.यात निजाम कालीन दुर्मिळ फोटोंचा संग्रह,औपरेशन पोलो, जुनी गोलाई, असे उपक्रम तयार केले. सर्व पालक आणि पाहुण्यांनी या प्रदर्शनाचे कौतुक केले. तसेच इयत्ता दहावी बोर्ड परीक्षा 2023 24 मधील गुणवंतांचा सत्कार ही करण्यात आला. गुणवंत विद्यार्थ्यांना प्रमुख पाहुण्यांच्या हस्ते मोमेंटो देण्यात आले. तसेच विद्यालयातील पडिले अजिंक्य पंढरीनाथ, प्रजापती किंजल पुष्कर या विद्यार्थ्यांना माऊली भूषण पुरस्कार प्रदान करण्यात आला.
कार्यक्रमाचे सूत्रसंचालन कलाशिक्षिका उबाळे मॅडम यांनी तर आभार उपप्रचार्या काळे मॅडम यांनी मानले. कार्यक्रमाची सांगता विसर्जनाचे औचित्य साधून प्रमुख पाहुण्यांच्या हस्ते माऊलीच्या श्री गणेशाची आरती व महाप्रसाद वाटपाने करण्यात आली. कार्यक्रमाच्या यशस्वीततेसाठी व्यवस्थापक श्री गोपाळ करडिले, संपूर्ण शिक्षक वृंद व कर्मचाऱ्यांनी परिश्रम घेतले.
About The Author
