संत ज्ञानेश्वर विद्यालयात मराठवाडा मुक्ती संग्राम दिन उत्साहात साजरा
संत ज्ञानेश्वर विद्यालयात मराठवाडा मुक्ती संग्राम दिन उत्साहात साजरा
अहमदपूर (गोविंद काळे) : येथील संत ज्ञानेश्वर प्राथमिक व माध्यमिक विद्यालयात मराठवाडा मुक्ती संग्राम दिन उत्साहात साजरा करण्यात आला.
प्रथमतः स्वामी रामानंद तीर्थ, राष्ट्रपिता महात्मा गांधी व डॉ.बाबासाहेब आंबेडकर यांच्या प्रतिमेचे पूजन करून संस्था सचिव प्राचार्या रेखाताई हाके-तरडे यांच्या हस्ते ध्वजारोहण करण्यात आले.यावेळी प्राथमिक शाळेच्या मुख्याध्यापिका आशा रोडगे, माध्यमिक मुख्याध्यापिका मीना तोवर प्रमुख पाहुणे आदर्श शिक्षिका चंद्रकला राजे, प्रा. समशान पटेल, तुलसी हांडे सह मान्यवर उपस्थित होते. यावेळी इयत्ता चौथीच्या विद्यार्थ्यांनी देशभक्तीपर नाटिका सादर करून उपस्थितांची मने जिंकली. उत्कृष्ट सादरीकरणा बद्दल विद्यार्थ्यांना सन्मानचिन्ह देऊन त्यांचे कौतुक करण्यात आले. यावेळी आदर्श शिक्षिका चंद्रकला राजे, प्रा.समशान पटेल यांनी मराठवाड्याच्या स्वातंत्र्य लढ्याविषयी मनोगत पर भाषणे केली. कार्यक्रमाचे प्रास्ताविक मीना तोवर यांनी केले. सूत्रसंचालन सतीश साबणे यांनी केले तर आभार आशा रोडगे यांनी मानले. शेवटी उपस्थित सर्व विद्यार्थ्यांना खाऊचे वाटप करून कार्यक्रमाची सांगता करण्यात आली. कार्यक्रम यशस्वीतेसाठी सर्व शिक्षक व शिक्षकेतर कर्मचारी यांनी विशेष परिश्रम घेतले.
About The Author
