श्यामलाल हायस्कूल च्या क्रिकेट संघाची जिल्हास्तरीय स्पर्धेसाठी निवड
श्यामलाल हायस्कूल च्या क्रिकेट संघाची जिल्हास्तरीय स्पर्धेसाठी निवड
उदगीर (प्रतिनिधी) : येथील श्यामलाल मेमोरियल हायस्कूल चा 17 वर्ष वयोगटातील विद्यार्थ्यांची जिल्हास्तरीय क्रिकेट स्पर्धेसाठी निवड झाली आहे.महाराष्ट्र शासन आणि शालेय क्रीडा विभागातर्फे घेण्यात येणाऱ्या क्रीडा स्पर्धेमध्ये अतिशय उत्कृष्ट फलंदाजी व गोलंदाजी करून प्रतिस्पर्धी संघाला पराभूत करून श्यामलाल हायस्कूल च्या संघाने उदगीर तालुकास्तरीय क्रिकेट स्पर्धेमध्ये प्रथम क्रमांक पटकवून घवघवीत यश संपादन केले, व जिल्हापातळीवर खेळासाठी निवड झाली आहे.त्याबद्दल संस्थेचे अध्यक्ष ऍड.सुपोषपाणि आर्य,उपाध्यक्ष गिरीश मुंडकर,सचिव ऍड. विक्रम संकाये, सहसचिव अंजुमनी आर्य तसेच शाळेचे मुख्याध्यापक भारत खंदारे,पर्यवेक्षक राहूल लिमये, सर्व शिक्षक वृंद यांनी खेळाडूंचे व मार्गदर्शक दिनेश बोळेगावे यांचे अभिनंदन व कौतुक करून पुढील स्पर्धेसाठी शुभेच्छा दिल्या.
About The Author
