निबंध स्पर्धेत अनुष्का पाटील तालुक्यातून प्रथम
निबंध स्पर्धेत अनुष्का पाटील तालुक्यातून प्रथम
चाकूर (गोविंद काळे) : राजश्री शाहू महाराज निबंध स्पर्धेमध्ये झरी (बु) येथील सिद्धेश्वर माध्यमिक विद्यालयाची विद्यार्थिनी अनुष्का मंगेश पाटील हि प्रथम आल्याने तिचा विद्यालयाच्या वतीने सन्मान करण्यात आला. छत्रपती शाहू महाराज संशोधन प्रशिक्षण व मानव विकास (सारथी) पुणे आयोजित तालुका व महानगरपालिका स्तरावर प्राथमिक व माध्यमिक विद्यार्थ्यांसाठी राजर्षी शाहू महाराज निबंध स्पर्धा 2024 चे आयोजन करण्यात आले होते. या निबंध स्पर्धेत सिद्धेश्वर माध्यमिक उच्च माध्यमिक विद्यालय झरी बु. येथील नवव्या वर्गात शिकणारी अनुष्का मंगेश पाटील हिने राजर्षी छत्रपती शाहू महाराजांचे कृषी क्षेत्रातील कार्य या विषयावर निबंध लिहिला होता तिला तालुक्यातून प्रथम बक्षीस मिळाले आहे. जिल्हास्तरावरही अनुष्का ची निवड झाल्याने सिद्धेश्वर माध्यमिक उच्च माध्यमिक विद्यालय झरी बु. येथील प्राचार्य गिरीधरराव कणसे पाटील यांच्या व सर्व शिक्षक बांधवांच्या उपस्थितीत प्रशिक्षिका सुवर्णा माने यांच्या हस्ते अनुष्का पाटील चा सन्मान करण्यात आला. या तिच्या यशाबद्दल संस्थेचे अध्यक्ष माजी राज्यमंत्री बाळासाहेब जाधव सचिव विक्रमसिंह दोडके पाटील,प्राचार्य गिरीधरराव कणसे पाटील,प्राध्यापक शिक्षक व शिक्षकेतर कर्मचारी यांनी अनुष्का पाटील चे अभिनंदन केले.
About The Author
