विद्यापीठाच्या पदव्युत्तर इंग्रजी आणि इतिहासाच्या परीक्षेत महाराष्ट्र उदयगिरी महाविद्यालयाचे यश
विद्यापीठाच्या पदव्युत्तर इंग्रजी आणि इतिहासाच्या परीक्षेत महाराष्ट्र उदयगिरी महाविद्यालयाचे यश
उदगीर (एल.पी.उगीले) : स्वामी रामानंद तीर्थ मराठवाडा विद्यापीठ नांदेड अंतर्गत उन्हाळी परीक्षा 2024 मध्ये महाराष्ट्र उदयगिरी महाविद्यालय, उदगीर येथील विद्यार्थ्यांनी उत्तम यश मिळवले आहे. इंग्रजी (एम.ए.) वर्गातील तीन विद्यार्थ्यांनी टॉपर स्थान मिळवले आहे. सय्यदा सानिया सय्यद मोईज अहमद हिने 78.59% गुण मिळवत विद्यापीठ गुणवत्ता यादीत प्रथम स्थान मिळवले. निलेश बालाजीराव राजुरे याने 78.53% गुणांसह दुसऱ्या क्रमांकावर स्थान मिळवले. शेख सायमा अंजुम खालिद अहमद हिने 78.41% गुणांसह तिसऱ्या क्रमांकाचे स्थान मिळवले आहे.
इतिहास (एम.ए.) वर्गातील तीन विद्यार्थ्यांनी टॉपर स्थान मिळवले आहे. पनकोटे शिरीन फातिमा सिराज साहब हिने 86.24% गुणांसह विद्यापीठ गुणवत्ता यादीत पहिल्या क्रमांकावर बाजी मारली आहे. जोशी प्रसाद किशोर याने 82.18% गुण मिळवत दुसरे स्थान प्राप्त केले आहे. मिठेवाड सविता रमेश हिने 81.65% गुण मिळवत तिसऱ्या क्रमांकावर स्थान मिळवले.
विद्यार्थ्यांनी त्यांच्या मेहनतीने आणि शिक्षकांच्या समर्पणाने हा गौरव मिळवला आहे. त्यांच्या या यशाचे महाराष्ट्र एज्युकेशन सोसायटीचे अध्यक्ष मल्लिकार्जुन मानकरी, उपाध्यक्ष डॉ.रेखा रेड्डी, सचिव रामचंद्र तिरुके, सहसचिव अ‍ॅड.एस.टी.पाटील चिघळीकर आणि डॉ.रामप्रसाद लखोटिया, कोषाध्यक्ष भालचंद्र चाकूरकर तसेच सर्व संस्था सदस्य, प्राचार्य डॉ.आर.के.मस्के, उपप्राचार्य डॉ.एस.जी.पाटील इंग्रजी विभाग प्रमुख प्रा.डॉ.एस.एम.सूर्यवंशी, इतिहास विभाग प्रमुख प्रा.डॉ.एस. आर. सोमवंशी तसेच सर्व शिक्षक व शिक्षकेतर कर्मचारी यांनी अभिनंदन केले आहे.
About The Author
