माणसात जिद्द असेल तर यश तुमच्या पायात लोटांगण घालते – राहुल केंद्रे
माणसात जिद्द असेल तर यश तुमच्या पायात लोटांगण घालते - राहुल केंद्रे
उदगीर (प्रतिनिधी) : माणसात जिद्द असेल आणि मेहनत करण्याची चिकाटी असेल तर यश तुमच्या पायाशी लोटांगण घालत असते, अथक परिश्रम व अभ्यासातील सातत्य यामुळे तुम्हाला यश हमखास मिळत असते. असे उद्गार लातूर जिल्हा परिषदचे माजी अध्यक्ष राहुल केंद्रे यांनी हेर येथील राम कदम आणि हेर गावाच्या वतीने विविध क्षेत्रात यश मिळवलेल्या गुणवंतांचा सत्कार कार्यक्रमात काढले.
हेर येथील सुपुत्र विठ्ठल गुरुडे यांची पोलीस उपनिरीक्षक पदी निवड झाली आहे. डॉ. प्रसाद जोशी यांनी वैद्यकीय क्षेत्रातील एम. डी ची पदवी प्राप्त केली आहे. तसेच डॉ. सुवर्णकार आदी गुणवंतांचा सत्कार यावेळी ग्रामस्थ्यांच्या वतीने करण्यात आला.
यावेळी पुढे बोलताना राहुल केंद्रे म्हणाले की, सर्व गुणवंतांनी आपले आई-वडील, आणि आपली जन्मभूमी यांच्या सेवेत अविरत कार्यरत असले पाहिजे. जनसेवा हिच ईश्वरसेवा मानून जनसेवेत कार्यरत असले पाहिजे, गावाला आपल्या सुपुत्रांचा अभिमान वाटत आहे. ही भावना कायम लक्षात ठेवून पुढील आयुष्यात आपण कार्यरत असावे. यासाठी राहुल केंद्रे यांनी गुणवंताना शुभेच्छा दिल्या. यावेळी व्यासपीठावर तुळशीराम बेंबडे , भागवत गुरमे, व्यंकटराव पाटील, दिलीप बिरादार डॉ. संजय सांडोळकर, शेषेराव ढगे, राज चवंडे, बालाजी गुराळे, राम कदम, जोशी गुरुजी यांच्यासह हेर मधील ग्रामस्थ मोठया संख्येने उपस्थित होते.
About The Author
