इंजि. विश्वजीत गायकवाड यांना महाराष्ट्र राज्य पत्रकार संघाचा महाराष्ट्र भूषण पुरस्कार मिळाल्याबद्दल सत्कार
इंजि. विश्वजीत गायकवाड यांना महाराष्ट्र राज्य पत्रकार संघाचा महाराष्ट्र भूषण पुरस्कार मिळाल्याबद्दल सत्कार
उदगीर (एल.पी. उगिले) : महाराष्ट्र राज्य पत्रकार संघ मुंबई, जिल्हा शाखा लातूरच्या वतीने आयोजित सामाजिक क्षेत्रातील उत्कृष्ट कार्याबद्दल दिला जाणारा बाबा आमटे महाराष्ट्र भूषण पुरस्कार 2024 हा इंजि. विश्वजीत अनिलकुमार गायकवाड फाउंडेशनचे अध्यक्ष विश्वजीत अनिलकुमार गायकवाड यांना नुकताच प्रदान करण्यात आला. महाराष्ट्र राज्य पत्रकार संघ मुंबईच्या वतीने दरवर्षी विविध क्षेत्रात उल्लेखनीय कार्य करणाऱ्या मान्यवरांना महाराष्ट्र भूषण पुरस्कार देऊन त्यांच्या कार्याचा सन्मान करण्यात येतो. यंदाचा पुरस्कार देण्याचा मान राज्य संघाने लातूर जिल्हा शाखावर सोपवला होता. त्यानुसार पुरस्कार वितरण सोहळा मराठवाडा मुक्ती संग्राम दिनाचे औचित्य साधून ह भ प गहिनीनाथ महाराज औसेकर, लातूर जिल्ह्याचे खासदार डॉ. शिवाजीराव काळगे, पत्रकार संघाचे संस्थापक अध्यक्ष संजय भोकरे, राष्ट्रीय अध्यक्ष अशोक वानखेडे (दिल्ली), मराठवाडा अध्यक्ष वैभव स्वामी, प्रा. विठ्ठल कांगणे, ह भ प अनंत माने महाराज, ज्येष्ठ पत्रकार जयप्रकाश दगडे, जिल्हाध्यक्ष अशोक देडे इत्यादी मान्यवरांच्या उपस्थितीत हा सोहळा पार पडला.
लातूर जिल्हाध्यक्ष अशोक देडे, जिल्हा कार्याध्यक्ष अफसर कारभारी, शहराध्यक्ष महादेव डोंबे यांनी विश्वजीत गायकवाड यांना भेटून त्यांचे कौतुक करून त्यांचा सत्कार आणि सन्मान केला. इंजि. विश्वजीत गायकवाड यांचे सामाजिक कार्य आणि शिक्षणामध्ये विद्यार्थ्यांना मदत व्हावी, असा उदात्ते हेतू ठेवून ते करत असलेले कार्य याची नोंद घेऊन हा पुरस्कार देण्यात आला आहे. केवळ उदगीर विधानसभा मतदारसंघाचे नव्हे तर लातूर, ठाणे, धुळे, नंदुरबार अशा दुर्गम भागात देखील इंजि. विश्वजीत गायकवाड यांचे मोठे सामाजिक आणि शैक्षणिक कार्य आहे.
विशेष करून ते गरीब मुलांच्या शिक्षणासाठी विशेष मदत करतात. उदगीर, जळकोट तालुक्यातील शाळांमधील जवळपास 20 हजार विद्यार्थ्यांना त्यांनी मूलभूत साहित्य देऊन आपले सामाजिक दायित्व निभावले आहे. तसेच महिलांच्या स्वयंरोजगाराचा विचार करून त्यांनी जवळपास 300 महिलांना रोजगार उपलब्ध करून दिला आहे. महिलांना शिलाई मशीन प्रशिक्षण देऊन त्यांना शिलाई मशीन वाटप केल्या, आणि त्यांनी शिवलेल्या पिशव्या स्वतः फाउंडेशनच्या वतीने खरेदी करून त्या विद्यार्थ्यांना मोफत वाटप केल्या. या कार्यातून त्यांचा समाजकार्याबद्दल उदात्त्य भावना व दृष्टिकोन लोकांना दिसून येत आहे. विविध सामाजिक आणि धार्मिक कार्यामध्ये त्यांचा मोठा सहभाग असतो. त्यांचे हे योगदान निश्चितच वाखाण्याजोगे आहे. गेल्या पंधरा वर्षापासून राजकीय क्षेत्रात सक्रिय असून लातूर जिल्ह्याचे माजी खासदार डॉ. सुनील गायकवाड यांचे पुतणे आहेत. त्यांच्या समाज कार्याला अशीच गती मिळावी असा उदात्ते हेतू ठेवून त्यांचा सत्कार आणि सन्मान करण्यात आला.
About The Author
