आंतर महाविद्यालयीन पॉवर लिफ्टिंग स्पर्धेत महात्मा फुले महाविद्यालयाच्या सौरभ पवारला ब्राॅंझ पदक
आंतर महाविद्यालयीन पॉवर लिफ्टिंग स्पर्धेत महात्मा फुले महाविद्यालयाच्या सौरभ पवारला ब्राॅंझ पदक
अहमदपूर (गोविंद काळे) : नांदेड येथील स्वामी रामानंद तीर्थ मराठवाडा विद्यापीठाच्या वतीने मौलाना आझाद महाविद्यालय, औसा जि. लातूर येथे घेण्यात आलेल्या आंतर महाविद्यालयीन पॉवरलिफ्टिंग स्पर्धेत येथील महात्मा फुले महाविद्यालयाच्या सौरभ पवार या विद्यार्थ्याने १०५ किलो वजन गटात तृतीय क्रमांक मिळवून ब्राॅंझपदक पटकावले.
याबाबत अधिक माहिती अशी की, स्वामी रामानंद तीर्थ मराठवाडा विद्यापीठाच्या वतीने आंतर महाविद्यालयीन पॉवरलिफ्टिंग स्पर्धेचे आयोजन औसा येथील मौलाना आझाद महाविद्यालयात केले होते.
या स्पर्धेत महात्मा फुले महाविद्यालयाच्या सौरभ पवार या विद्यार्थ्याने १०५ किलो वजन गटात तृतीय क्रमांक पटकावला असून, त्याला विद्यापीठाच्या वतीने ब्राॅंझ पदक देऊन सन्मानित करण्यात आले. या यशाबद्दल त्याचा महाविद्यालयात सुप्रसिद्ध लेखक, समीक्षक तथा महाविद्यालयाचे प्राचार्य डॉ. वसंत बिरादार पाटील यांच्या हस्ते सत्कार करण्यात आला.
यावेळी यशस्वी खेळाडूला मार्गदर्शन करणारे महाविद्यालयाचे क्रीडा संचालक प्रो.डॉ. अभिजीत मोरे यांचाही सत्कार करण्यात आला. यावेळी उपप्राचार्य डॉ. दुर्गादास चौधरी, डॉ. अनिल मुंढे, डॉ. सतीश ससाणे, डॉ. नागराज मुळे, डॉ. किरण गुट्टे यांची उपस्थिती होती. यशस्वी खेळाडू सौरभ पवार याचे किसान शिक्षण प्रसारक मंडळाचे अध्यक्ष श्रीरंगराव पाटील एकंबेकर, सचिव पी. टी. शिंदे यांच्यासह सर्व सदस्य व पदाधिकाऱ्यांनी अभिनंदन केले आहे.
About The Author
