वर्षाराणी मुस्कावाड यांना साने गुरुजी आदर्श शिक्षक पुरस्कार प्रदान

उदगीर (प्रतिनिधी) : शांतिनिकेतन विद्यालय कोदळी ता. उदगीर येथील सहशिक्षिका तथा प्रसिद्ध साहित्यिका वर्षाराणी मुस्कावाड यांना इंडियन टॅलेंट सर्चच्या वतीने दिला जाणारा इ. स. २०२४ या वर्षातील साने गुरुजी आदर्श शिक्षक पुरस्कार प्रदान करण्यात आला. कार्यक्रमाचे प्रमुख पाहुणे आदर्श शिक्षक राष्ट्रपती पुरस्कार प्राप्त विश्वनाथ मुडपे यांच्या हस्ते वर्षाराणी मुस्कावाड यांना हा पुरस्कार प्रदान करण्यात आला. यावेळी मुख्याध्यापिका कुलकर्णी , आशा बेंजरगे व इतर मान्यवर उपस्थित होते.

वर्षाराणी मुस्कावाड या उत्कृष्ट सूत्रसंचालिका, लेखिका, गायिका , कवयित्री म्हणून परिचयाच्या आहेत. कोदळी येथील शांतिनिकेतन विद्यालयात त्या सहशिक्षिका म्हणून कार्यरत आहेत ‌ . विद्यार्थ्यांच्या सर्वांगीण विकासासाठी त्या विविध उपक्रम राबवितात. स्पर्धा परीक्षांची तयारी करुन घेतात. त्यांच्या विद्यालयातील अनेक विद्यार्थ्यांनी स्पर्धा परीक्षेत यश संपादन केले आहे. विविध वर्तमानपत्रात त्यांच्या कविता, लेख प्रकाशित झालेल्या आहेत.
साने गुरुजी आदर्श शिक्षक पुरस्कार प्राप्त झाल्याबद्दल वर्षाराणी मुस्कावाड यांचे अभिनंदन महाराष्ट्र राज्य साहित्य आणि संस्कृती मंडळाचे सदस्य धनंजय गुडसूरकर, एनसीसी प्रमुख बालाजी मुस्कावाड, प्रा ‌ धनराज बंडे, प्रा. कुमार बंडे, विवेक होळसंबरे, अनिता येलमटे, अंबिका पारसेवार, नीता मोरे व इतर मान्यवर यांनी केले आहे.