महाराष्ट्र उदयगिरी महाविद्यालयात हिंदी वक्तृत्व स्पर्धेची सांगता
महाराष्ट्र उदयगिरी महाविद्यालयात हिंदी वक्तृत्व स्पर्धेची सांगता
उदगीर (प्रतिनिधी) : येथील महाराष्ट्र उदयगिरी महाविद्यालयात हिंदी पंधरवड्या निमित्त पदव्युत्तर विभाग आणि बँक ऑफ महाराष्ट्र शाखा, उदगीर च्या वतीने आयोजित वक्तृत्व स्पर्धेची सांगता झाली. अध्यक्षस्थानी संस्थेचे सचिव रामचंद्र तिरुके होते. मंचावर प्राचार्य डॉ.आर.के.मस्के, मुख्य प्रबंधक अनिल टोंगारे, नंदनवार यांची उपस्थिती होती. परीक्षक प्रा.डॉ.हमीद आश्रफ, प्रा.डॉ.विश्वनाथ भालेराव, प्रा.डॉ.गौरव जेवळीकर यांनी काम पाहिले. हिंदी भाषेच्या विकासात समाज माध्यमाची भूमिका, विद्यार्थ्यांमधील घटते सामाजिकमूल्य, भारतीय राज्यघटनेची वैशिष्ट्ये हे वक्तृत्वाचे विषय होते. स्पर्धेत प्रथम बक्षीस दोन हजार रुपये रोख व प्रमाणपत्र आनंद बोडके, महाराष्ट्र उदयगिरी महाविद्यालय उदगीर, द्वितीय बक्षीस पंधराशे रुपये रोख व प्रमाणपत्र आश्लेषा विश्वनाथे, संत तुकाराम विधि महाविद्यालय, उदगीर, तृतीय बक्षीस एक हजार रुपये रोख व प्रमाणपत्र श्वेता हूरसनाळे, श्री.हावगीस्वामी महाविद्यालय उदगीर, उत्तेजनार्थ बक्षीस रोख पाचशे रुपये व प्रमाणपत्र सय्यद सानिया श्री हावगीस्वामी महाविद्यालय, उदगीर यांना मान्यवरांच्या हस्ते वितरित करण्यात आले. यावेळी विद्यार्थ्यांनी काढलेल्या ‘प्रयास’ या भीत्ती पत्रकाचे प्रकाशन झाले. प्रास्ताविक विभाग प्रमुख प्रा.डॉ.बी.एस.भुक्तरे यांनी केले. स्पर्धेच्या संयोजनासाठी प्रा.प्रवीण जाहुरे, प्रा.डॉ.बी.पी.चनाळे, प्रा.डॉ.पी व्ही काळे, प्रा.डॉ.अत्तार तहसीन यांनी पुढाकार घेतला.
About The Author
