डॉ.ज्ञानोबा मुंढे हे डॉ. बाबासाहेब आंबेडकर शिक्षणरत्न पुरस्काराने सन्मानित

उदगीर (प्रतिनिधी) : गट साधन केंद्र उदगीर येथील विषय साधनव्यक्ती या पदावर कार्यरत असलेले एक उत्कृष्ट वक्ते, कवी, लेखक म्हणून सुपरिचीत असलेले डॉ. ज्ञानोबा व्यंकटराव मुंढे यांना महाराष्ट्र राज्य आदर्श शिक्षक समिती शाखा लातूरच्या वतीने दिल्या जाणाऱ्या अतिशय मान आणि सन्मानाच्या डॉ. बाबासाहेब आंबेडकर शिक्षणरत्न पुरस्काराने सन्मानित करण्यात आले.
       सदरील सोहळा भालचंद्र ब्लड बँक सभागृह लातूर,याठिकाणी संपन्न झाला. या कार्यक्रमाच्या अध्यक्षस्थानी शिवाजीराव साखरे (वाघ) हे होते. तर प्रमुख पाहुणे  म्हणून, शिक्षक आ. विक्रमजी काळे , ज्येष्ठ विचारवंत प्राचार्य डॉ. सोमनाथ रोडे , माजी प्राचार्य डॉ. नागोराव कुंभार,सुप्रसिद्ध साहित्यिक प्रा. अर्जुन जाधव, महाराष्ट्र राज्य आदर्श शिक्षक समितीचे संस्थापक  दिलीपराव ढाकणे, राज्य उपाध्यक्ष चंदू अण्णा घोडके, स्वागत अध्यक्ष लक्ष्मण दावनकर या मान्यवरांच्या उपस्थितीमध्ये डॉ. ज्ञानोबा मुंढे यांना डॉक्टर बाबासाहेब आंबेडकर शिक्षण रत्न पुरस्काराने सन्मानित करण्यात आले.
     भारतीय राज्यघटनेचे शिल्पकार यांच्या नावाने दिला जाणारा डॉक्टर बाबासाहेब आंबेडकर शिक्षणरत्न हा अतिशय मान आणि सन्मानाचा पुरस्कार मिळाल्याबद्दल उदगीर तालुक्याचे गटशिक्षणाधिकारी एस.के शेख, शिक्षण विस्तार अधिकारी नितीन लोहकरे, सुधाकर कंजे, संगीता रोहिणेकर, सुलभा उगिले,जुनेद शेख, व्यंकटेश पेदावाड, एस के राठोड, बागबंदे , दत्ता केंद्रे, धनाजी जाधव, साबेर दायमी, गोविंद भोळे आदी कर्मचाऱ्यांनी अभिनंदन केले.

About The Author

पोलीस फ्लॅश न्यूज

See author's posts