जिव्हाळा ग्रुप व ज्येष्ठ नागरिक संघाकडून स्वप्निल जाधव यांचा सत्कार
जिव्हाळा ग्रुप व ज्येष्ठ नागरिक संघाकडून स्वप्निल जाधव यांचा सत्कार
उदगीर (प्रतिनिधी) : उदगीर विधानसभा मतदारसंघातील इच्छुक उमेदवार स्वप्निल जाधव यांनी सकाळी विरंगुळा केंद्राला सदिच्छा भेट दिली. त्या ठिकाणी ज्येष्ठ नागरिक संघ, पतंजली योग समिती आणि जिव्हाळा ग्रुपच्या ज्येष्ठ सदस्यांनी त्यांचा शाल, पुष्पगुच्छ व ग्रंथ देऊन सत्कार केला. आणि उदगीर विधानसभा मतदारसंघाचा खऱ्या अर्थाने सकारात्मक विकास करणाऱ्या विचारधारेसोबत ज्येष्ठ नागरिक संघ आणि जिव्हाळा ग्रुप राहणार असल्याचे ज्येष्ठ नागरिकांनी आश्वासन दिले. एक युवा नेता समाजाच्या हिताचा विचार करून बेरोजगारीचा प्रश्न ऐरणीवर घेऊन लढण्यासाठी सज्ज होतो, ही अत्यंत गौरवाची बाब आहे असे सांगत स्वप्नील जाधव यांनी घेतलेल्या भूमिकेचे कौतुक केले, आणि आशीर्वाद दिला. याप्रसंगी प्राचार्य शिवाजीराव सगर, प्रा. श्रीराम चामले, ग्रंथ मित्र दीपक बलसुरकर, प्राध्यापक मध्वरे, मुरलीधर जाधव, हकीम साहब, माळेवाडीकर, मोहनराव कुलकर्णी, मुंदडा शेठजी यांच्यासह योग साधिक आणि ज्येष्ठ नागरिक मोठ्या संख्येने उपस्थित होते.
About The Author
