उदगीर नगर परिषदेद्वारे आयोजित स्वच्छता ही सेवा निबंध स्पर्धेत विद्या वर्धिनी हायस्कूल प्रथम
उदगीर नगर परिषदेद्वारे आयोजित स्वच्छता ही सेवा निबंध स्पर्धेत विद्या वर्धिनी हायस्कूल प्रथम
उदगीर (प्रतिनिधी) : येथील किसान शिक्षण प्रसारक मंडळ उदगीर द्वारा संचलित विद्या वर्धिनी हायस्कूल या शाळेतील विद्यार्थ्यांना अभ्यासाबरोबरच शासनाच्या विविध स्पर्धा परीक्षेची तयारी करून घेतली जाते व विविध स्पर्धेत विद्यार्थी हे शहर ,तालुका, जिल्हा, विभाग, राज्य ,राष्ट्रीय पातळीवर घवघवीत यश संपादन करून शाळेचे आई-वडिलांचे नावलौकिक करत असतात. विद्यालयाचे विद्यार्थी प्रिय मुख्याध्यापक राम ढगे यांच्या व किसान शिक्षण प्रसारक मंडळ उदगीर यांच्या मार्गदर्शनाखाली विद्यार्थी तयारी करत असतात. नुकत्याच उदगीर नगरपरिषदेद्वारे आयोजित स्वच्छता ही सेवा या निबंध स्पर्धेत राष्ट्रपिता महात्मा गांधी यांच्या जयंतीचे औचित्य साधून आयोजित करण्यात आलेल्या निबंध स्पर्धेत इयत्ता नववी वर्गातील विद्यार्थिनी कु. भक्ती उमाकांत बिरादार हिने स्वच्छता ही सेवा या अभियानांतर्गत व या विषयावर निबंध लिहून प्रथम क्रमांक मिळवल्याबद्दल विद्यालयाच्या वतीने सत्कार करण्यात आला. भक्तीच्या या उज्वल यशाबद्दल किसान शिक्षण प्रसारक मंडळाचे अध्यक्ष श्रीरंगराव पाटील एकंबेकर, उपाध्यक्ष माधवराव पाटील, सचिव पि.टी शिंदे, सहसचिव हिरागिर गिरी, कोषाध्यक्ष गुंडेराव पाटील, सदस्य काकासाहेब पाटील, ज्ञानदेव झोडगे, भीमराव पाटील, मुख्याध्यापक राम ढगे, उपमुख्याध्यापक बी.बी नागरवाड, पर्यवेक्षक राजेंद्रकुमार वलाकटे, कला शिक्षक एन.आर जवळे, परीक्षा विभाग प्रमुख बाबासाहेब पाटील, बंडू पाटील लोणीकर, शुभांगी बिरादार यांच्यासह शाळेतील शिक्षक कर्मचारी विद्यार्थी यांनी अभिनंदन केले आहे.
About The Author
