राज्यस्तरिय व्हाॅलीबाॅल स्पर्धेत समर्थ विद्यालयाचा संघ तृतीय
राज्यस्तरिय व्हाॅलीबाॅल स्पर्धेत समर्थ विद्यालयाचा संघ तृतीय
उदगीर (प्रतिनिधी) : तालुक्यातील एकुर्का रोड येथील समर्थ माध्यमिक व उच्च माध्यमिक विद्यालयाचा व्हाॅलीबाॅल संघ १७ वर्ष वयोगटात राज्यस्तरावर प्रथम आला आहे.
नागपूर येथे घेण्यात आलेल्या राज्यस्तरिय व्हॉलीबॉल स्पर्धेत समर्थ माध्यमिक व उच्च माध्यमिक एकुर्का रोड येथील १७ वर्ष वयोगटातील विद्यार्थ्यांनी यश संपादन करत राज्यस्तरावर तृतीय येण्याचा मान मिळवला आहे. आठ विभागामध्ये मुलांच्या व्हॉलीबॉल स्पर्धा खेळविण्यात आल्या. यामध्ये पुणे विभाग प्रथम, धाराशिव विभाग द्वितीय तर लातूर विभागात उदगीर तालुक्यातील एकुर्का रोड येथील समर्थ विद्यालय लातूर जिल्ह्याचे प्रतिनिधित्व करत तृतीय क्रमांक मिळाले आहे. तिसऱ्या क्रमांकासाठी अटी-तटीच्या सामन्यात पाच सेट पर्यंत मॅच जाऊन तीन-दोन अशा फरकाने समर्थ विद्यालय एकुर्का रोड तालुका उदगीर जिल्हा लातूर चा संघ कोल्हापूर विरुद्ध विजयी झाला. विजय संघाच्या अभिनंदन जि. प. चे माजी उपाध्यक्ष रामचंद्र तिरुके, शिक्षणाधिकारी नागेश मापरी, शिक्षणाधिकारी वंदना फुटाणे, जिल्हा क्रीडा समन्वयक कृष्णा केंद्रे,
गटशिक्षणाधिकारी शफी शेख, विस्तार अधिकारी नितीन लोहकरे, केंद्रप्रमुख आर. डी. घंटेवाड, संस्थासचिव प्राचार्य प्रमोद चौधरी, पर्यवेक्षक सिद्धार्थ बोडके, संस्थासदस्य प्रा. एम. व्ही. स्वामी, प्रा. बी. एस. बाबळसुरे, रसूल पठाण, क्रिडा समन्वयक किरण हाळीघोंगडे, संघ व्यवस्थापक जीवन पवार, अल्लाबक्ष शेख यांच्यासह शिक्षक व शिक्षकेत्तर कर्मचाऱ्यांनी अभिनंदन केले आहे.
About The Author
