यशवंत विद्यालय जिल्हा शालेय क्रिकेट स्पर्धेत अजिंक्य

17 वर्षीय शालेय क्रिकेट स्पर्धा..

अहमदपूर (गोविंद काळे) : जिल्हा क्रीडा व युवा सेवा संचलनालय महाराष्ट्र राज्य पुणे तथा जिल्हा क्रीडा अधिकारी कार्यालय लातूर द्वारा जिल्हा क्रीडा संकुल लातूर येथे दिनांक 2 ते 5 ऑक्टोंबर दरम्यान झालेल्या जिल्हास्तरीय 17 वर्षीय शालेय क्रिकेट स्पर्धांमध्ये यशवंत विद्यालय , अहमदपूरच्या संघाने दरवर्षीप्रमाणे याही वर्षी निर्विवाद वर्चस्व मिळवले त्यांनी अनुक्रमे शिरूर आनंदपाळ ,औसा , व अंतिम सामन्यात उदगीर संघाचा 42 रन्सनी एकतर्फी पराभव करून परत एकदा क्रिकेटमधले आपले वर्चस्व कायम राखले . या स्पर्धेत यशवंतच्या संघातील यश मुस्तापुरे , शुभम सोनटक्के , प्रणव ठोंगे ,अनिरुद्ध कळसकर , शुभम उगाडे , रितेश गोटमुकले , अजिंक्य शिंदे, हबीब पठाण यांच्यासह सर्वच खेळाडूंनी उत्कृष्ट खेळाचे प्रदर्शन केले .
विजय संघास मार्गदर्शक म्हणून क्रीडा शिक्षक संतोष कदम यांनी कार्य पाहिले.
संघाच्या या यशाबद्दल टागोर शिक्षण समितीचे अध्यक्ष डॉ.अशोकराव सांगवीकर, सचिव डी बी लोहारे गुरुजी,उपाध्यक्ष डॉ. भालचंद्र पैके , सहसचिव प्रा.डॉ. सुनिताताई चवळे.
यांच्यासह शाळेचे मुख्याध्यापक गजानन शिंदे, उपमुख्याध्यापक एम बी वाघमारे, पर्यवेक्षक रामलिंग तत्तापुरे, पर्यवेक्षक शिवाजी सुर्यवंशी, क्रीडा शिक्षक दीपक हिंगणे, प्रतिभा मिरजकर, यांच्यासह शाळेचे सर्व शिक्षक शिक्षकेतर कर्मचारी यांनी अभिनंदन केले आहे.