महात्मा फुले महाविद्यालयास मैदानी दोन गोल्ड तर पाच ब्रॉंझ मेडल

महात्मा फुले महाविद्यालयाने दोन स्वर्ण पदकासह पाच ब्राँझ पदक मिळवून स्वामी रामानंद तीर्थ मराठवाडा ‘ ब ‘ विभागीय मैदानी स्पर्धेत आपला दबदबा कायम ठेवला

अहमदपूर (गोविंद काळे) : येथील महात्मा फुले महाविद्यालय अहमदपूर च्य विद्यार्थ्यांनी स्वामी रामानंद तीर्थ मराठवाडा विद्यापीठ नांदेड अंतर्गत घेण्यात आलेल्या ‘ब’ झोन अंतर महाविद्यालयीन मैदानी स्पर्धेमध्ये यश संपादन केले.
याबाबतचे सविस्तर वृत्त असे की, स्वामी रामानंद तीर्थ मराठवाडा विद्यापीठाच्या ‘ब ‘ झोन मैदानी स्पर्धा स्वामी विवेकानंद महाविद्यालय शिरूर ताजबंद येथे नुकत्याच पार पडल्या. या स्पर्धेत प्राचार्य डॉ. वसंत बिरादार पाटील यांच्या कुशल नेतृत्वाखाली व क्रीडा संचालक डॉ. अभिजीत मोरे यांच्या मार्गदर्शनाखाली महात्मा फुले महाविद्यालय अहमदपूरच्या सौरभ पवार यांनी हातोडा फेक स्पर्धेत ‘सुवर्ण पदक ‘ मिळवले व सुमित बनसोडे यांने ‘ब्राँझ पदक ‘ मिळवले. ज्योत्स्ना मचकंटे ने भालाफेक मध्ये ‘सुवर्ण पदक ‘ तर मुलींच्या संघाने फोर बाय फोर हंड्रेड रिलै स्पर्धेत चार बाँझ पदक मिळवले. या संघात जोत्स्ना मचकंटे , सानिया पठाण , अश्विनी गिरी, अश्विनी फड यांचा समावेश होता. या खेळाडू विद्यार्थ्यांना क्रीडा संचालक प्रो. डॉ. अभिजीत मोरे यांनी मार्गदर्शन केले. यशस्वी खेळाडू विद्यार्थ्यांचा प्राचार्य डॉ. वसंत बिरादार पाटील यांनी सत्कार करून अभिनंदन केले.
तसेच यशस्वी खेळाडू व क्रीडा संचालक प्रो .डॉ. अभिजीत मोरे यांचे किसान शिक्षण प्रसारक मंडळ उदगीरचे अध्यक्ष श्रीरंगराव पाटील एकंबेकर,उपाध्यक्ष माधवराव पाटील, सचिव पी. टी. शिंदे यांच्यासह मंडळाच्या सर्व पदाधिकाऱ्यांनी तसेच महाविद्यालयाचे प्राचार्य डॉ. वसंत बिरादार पाटील, उपप्राचार्य डॉ. दुर्गादास चौधरी यांनी व सर्व प्राध्यापक , कार्यालयीन कर्मचारी आदींनी अभिनंदन करून पुढील स्पर्धेसाठी शुभेच्छा दिल्या.