महात्मा फुले महाविद्यालयात वाचन प्रेरणा दिन साजरा
महात्मा फुले महाविद्यालयात वाचन प्रेरणा दिन साजरा
अहमदपूर (गोविंद काळे) : येथील महात्मा फुले महाविद्यालयात भारताचे माजी राष्ट्रपती भारतरत्न डॉ. ए.पी.जे. अब्दुल कलाम यांची जयंती वाचन प्रेरणा दिन म्हणून साजरी करण्यात आली.
याबाबतचे सविस्तरर वृत्त असे की, महात्मा फुले महाविद्यालयाचे प्राचार्य डॉ. वसंत बिरादार पाटील यांच्या मार्गदर्शनाखाली राष्ट्रीय सेवा योजना व सांस्कृतिक विभागाच्या वतीने मिसाईल मॅन तथा माजी राष्ट्रपती डॉ. ए.पी.जे. अब्दुल कलाम यांची जयंतीचे औचित्य साधून आयोजित करण्यात आलेल्या ‘ वाचन प्रेरणा दिन ‘ कार्यक्रमाच्या अध्यक्षस्थानी उपप्राचार्य डॉ. दुर्गादास चौधरी होते तर डॉ. सतीश ससाणे यांची प्रमुख उपस्थिती होती. यावेळी माजी राष्ट्रपती भारतरत्न डॉ. ए.पी.जे. अब्दुल कलाम यांच्या प्रतिमेस पुष्प अर्पण करून अभिवादन करण्यात आले. तसेच एन.एस.एस. चे कार्यक्रमाधिकारी डॉ. बी.के. मोरे यांनी ग्रंथ वाचनाचे महत्त्व विशद करून डॉ.ए.पी.जे. अब्दुल कलाम यांच्या जीवन कार्यावर प्रकाश टाकला तर कार्यक्रमाचा अध्यक्षीय समारोप उपप्राचार्य डॉ. दुर्गादास चौधरी यांनी केला.
या कार्यक्रमाचे प्रास्ताविक व सूत्रसंचालन प्रो. डॉ. अनिल मुंढे यांनी केले तर आभार डॉ. पांडुरंग चिलगर यांनी मानले.यावेळी महाविद्यालयातील प्राध्यापक, कार्यालयीन कर्मचारी व विद्यार्थी मोठ्या संख्येने उपस्थित होते.
About The Author
