महात्मा फुले महाविद्यालयात महर्षी वाल्मिकी यांची जयंती साजरी
महात्मा फुले महाविद्यालयात महर्षी वाल्मिकी यांची जयंती साजरी
अहमदपूर (गोविंद काळे) : येथील महात्मा फुले महाविद्यालय आद्य खगोलशास्त्रज्ञ तथा आद्य कवी रामायणाचे रचियेता महर्षी वाल्मिकी यांची जयंती मोठ्या उत्साहात साजरी करण्यात आली.
याबाबतचे सविस्तर वृत्त असे की, महात्मा फुले महाविद्यालयाच्या राष्ट्रीय सेवा योजना व सांस्कृतिक विभागाच्या वतीने प्राचार्य डॉ. वसंत बिरादार पाटील यांच्या मार्गदर्शनाखाली आयोजित रामायण महाकाव्याचे रचियता महर्षी वाल्मिकी यांच्या जयंती कार्यक्रमाच्या अध्यक्षस्थानी उपप्राचार्य डॉ. दुर्गादास चौधरी हे होते, तर प्रो. डॉ. अनिल मुंढे यांचे प्रमुख उपस्थिती होती. यावेळी मान्यवरांच्या हस्ते महर्षी वाल्मिकी यांच्या प्रतिमेस पुष्प अर्पण करून अभिवादन करण्यात आले. याकार्यक्रमाच्या अध्यक्षीय समारोपाप्रसंगी उपप्राचार्य डॉ. दुर्गादास चौधरी यांनी महर्षी वाल्मिकी यांच्या कार्यावर प्रकाश टाकला.
या कार्यक्रमाचे प्रास्ताविक व सूत्रसंचालन सांस्कृतिक विभाग प्रमुख डॉ. पांडुरंग चिलगर यांनी केले तर आभार राष्ट्रीय सेवा योजनेचे कार्यक्रमाधिकारी डॉ. बी. के. मोरे यांनी मानले. यावेळी महाविद्यालयातील प्राध्यापक, कार्यालयीन कर्मचारी व विद्यार्थी मोठ्या संख्येने उपस्थित होते.
About The Author
