रोजगाराच्या संधी उपलब्ध करून तरुणांना स्वावलंबी बनवणार – गणेश हाके
रोजगाराच्या संधी उपलब्ध करून तरुणांना स्वावलंबी बनवणार - गणेश हाके
अहमदपूर (गोविंद काळे) : अहमदपूर चाकूर तालुक्यात प्रस्थापित लोकांनी रोजगाराच्या संधी उपलब्ध केल्या नसल्यामुळे हजारो युवक बेरोजगार आहेत त्यांच्या हाताला काम नाही त्यामुळे तरुणाई वाम मार्गाला जात आहे. तुम्हा सर्व तरुण बांधवांच्या आशीर्वादाने मी आमदार झालो तर सर्वप्रथम तरुण बांधवांच्या रोजगाराचा प्रश्न हातावर घेऊन तोच सोडवल्याशिवाय शांत बसणार नाही.
गेल्या जवळपास 20 ते 25 दिवसापासून तुम्ही माझ्यासोबत प्रचारांमध्ये सहभागी आहात तुम्ही एक मनानं माझा प्रचार केला मी निवडून यावं म्हणून सर्व कार्यकर्त्यांनी मिळून जीवाचं रान केलं मी त्या कार्यकर्त्यांना वाऱ्यावर सोडणार नाही त्यांना कोणत्याही राजकर्त्याच्या पाठीमागे फिरण्याची वेळ येऊ देणार नाही त्यांच्या हाताला रोजगार देऊन मी स्वावलंबी बनवणार असे प्रचाराच्या शेवटच्या दिवशी काल जनसुराज्य शक्ती पक्षाचे अधिकृत उमेदवार गणेश हाके यांच्या प्रचारार्थ अहमदपूर शहरांमध्ये पदयात्रेचे आयोजन करण्यात आलं होतं. पदयात्रा संपल्यानंतर कार्यकर्त्यांशी पक्ष कार्यालयामध्ये संवाद साधला त्यावेळी गणेश हाके बोलत होते.
About The Author
