महात्मा फुले महाविद्यालयात राष्ट्रीय एकात्मता दिन साजरा
महात्मा फुले महाविद्यालयात राष्ट्रीय एकात्मता दिन साजरा
अहमदपूर (गोविंद काळे) : येथील महात्मा फुले महाविद्यालयात राष्ट्रीय सेवा योजना व सांस्कृतिक विभागाच्या वतीने भारताच्या पहिल्या महिला पंतप्रधान स्व. इंदिरा गांधी यांच्या स्मृतिदिनाचे औचित्य साधून राष्ट्रीय एकात्मता दिन साजरा करण्यात आला.
याबाबतचे सविस्तर वृत्त असे की, महाविद्यालयाचे प्राचार्य डॉ वसंत बिरादार पाटील यांच्या मार्गदर्शनाखाली आयोजित करण्यात आलेल्या स्वर्गीय इंदिरा गांधी स्मृतीदिन व राष्ट्रीय एकात्मता दिन कार्यक्रमाच्या अध्यक्षस्थानी सांस्कृतिक विभागप्रमुख डॉ. पांडुरंग चिलगर हे होते तर कार्यालय प्रमुख प्रशांत डोंगळीकर यांची प्रमुख उपस्थिती होती. यावेळी मान्यवरांच्या हस्ते स्वर्गीय इंदिरा गांधी यांच्या प्रतिमेस पुष्प अर्पण करून अभिवादन करण्यात आले. तसेच उपस्थितांना राष्ट्रीय एकात्मतेची शपथ देण्यात आली.
या कार्यक्रमाचे प्रास्ताविक व सूत्रसंचालन चंद्रकांत धुमाळे यांनी केले तर आभार शिवाजी चोपडे यांनी मानले. यावेळी महाविद्यालयातील प्राध्यापक व कार्यालयीन कर्मचारी उपस्थित होते.
About The Author
