अहमदपुरात मतदानासाठी सकाळपासूनच रांगा सखी मतदान केंद्रावर केले नवदंपत्याने मतदान

अहमदपूर (गोविंद काळे) : अहमदपूर विधानसभेसाठी होत असलेल्या मतदानासाठी शहरातील अनेक मतदान केंद्रावर सकाळपासूनच मतदाराने चांगला उत्साह दाखवला असून अनेक मतदार केंद्रावर रांगा लागलेल्या दिसल्या. सकाळी अकरा वाजेपर्यंत हाती आलेले माहितीनुसार 15.4% एवढे मतदान झाले होते. अहमदपूर मतदारसंघात दुपारपर्यंत तरी शांततेत मतदान चालू होते ठीक ठिकाणी लोक स्वतःहून मतदानासाठी बाहेर पडताना दिसले तर अनेक मतदार परगावाहून मतदानासाठी आल्याचे दिसले. अहमदपूर येथील यशवंत विद्यालयामध्ये असलेल्या सखी मतदान केंद्रावर नुकतेच लग्न झालेल्या आदित्य चवळे व निशा चवळे या नवदंपत्याने मतदान करत सर्वांचे लक्ष वेधून घेतले. व उपस्थितितांना आम्ही मतदान केले आपण सुद्धा मतदान करा असे आवाहन केले. यशवंत विद्यालयामध्ये खास सजावट करून लग्न मंडपा सजवलेल्या सखी मतदान केंद्रास सजवण्यात आले होते. मागील निवडणुकीच्या तुलनेत यावेळेस मात्र मतदारांमध्ये जास्ती उत्साह दिसून येत आहे त्यामुळे मतदानाची टक्केवारी मागच्या निवडणुकीपेक्षा जास्ती होणाऱ्या असे चित्र सध्या तरी दिसत आहे.

About The Author

पोलीस फ्लॅश न्यूज

See author's posts