अहमदपूर मध्ये राष्ट्रवादी (अजित पवार गट) चा जल्लोष

मिरवणूक : ढोल-ताशांच्या गजरासह फटाक्यांची आतषबाजी

अहमदपूर : (गोविंद काळे) : अहमदपूर -चाकूर विधानसभा मतदारसंघात राष्ट्रवादी महायुतीचे बाबासाहेब पाटील विजयी झाल्याचे घोषित करताच कार्यकर्त्यांनी ढोल- ताशांच्या गजरात फटाक्यांची आतषबाजी करीत जल्लोष करून विजयी मिरवणूक काढली.शहरातील आयटीआय कॉलेज, स्वा. सावरकर चौक, छत्रपति शिवाजी महाराज चौक, डॉ. बाबासाहेब आंबेडकर चौक,आझाद चौक, वाहनात मिरवणूक काढण्यात आली. या मिरवणुकीत विजयी उमेदवार बाबासाहेब पाटील यांच्यासह माजी राज्यमंत्री बाळासाहेब जाधव,कृषी उत्पन्न बाजार समितीचे सभापती मंजकराव पाटील, अविनाश जाधव, सुरज पाटील,राष्ट्रवादी( अजित पवार गटाचे प्रदेश सचिव )शिवानंद हेंगणे, भाजपा जिल्हाध्यक्ष दिलीपराव देशमुख, शिवसेना (शिंदे गट ) जिल्हाप्रमुख गोपाळ माने, भारत चामे किशोर मुंडे, मुजीब पटेल जागीरदार, निखील कासनाळे, अजहर बागवान, चेअरमन हरिभाऊ कदम सरपंच कालीदास कदम, उपसरपंच खुदूस पेटल , देवानंद पाटील, शिवाजी खांडेकर, राम नरवटे, बाळू केंद्रे,प्रशांत भोसले, मुजमिल सय्यद, सरवलाल सय्यद, डॉ. फूजेल जागीरदार, इलियास सय्यद यांच्यासह, राष्ट्रवादीचे (अजित पवार गट ) भाजपा, शिवसेना ( शिंदे गट )कार्यकर्ते मोठ्या संख्येने सहभागी झाले होते. विजयी उमेदवार बाबासाहेब पाटील यांची वाहनावर मतमोजणी केंद्रापासून डॉ. बाबासाहेब आंबेडकर चौकापर्यंत काढलेल्या या मिरवणुकीत कार्यकर्त्यांची एकच जल्लोष केला.