सखा क्रीडा मंडळ च्या दोन खेळाडूंची राज्यस्तरीय शालेय कराटे स्पर्धेस निवड
सखा क्रीडा मंडळ च्या दोन खेळाडूंची राज्यस्तरीय शालेय कराटे स्पर्धेस निवड
उदगीर (प्रतिनिधी) : सखा क्रीडा मंडळ चे खेळाडू , १९ वर्ष वयोगटातील ५० किलो खालील गटात गणेश चौधरी व १८ वर्ष वयोगटात अनन्या जगताप या खेळाडूंनी श्री गुरू गोविंदसिंगजी स्टेडियम, नांदेड येथे नुकत्याच झालेल्या क्रीडा व युवक सेवा संचालनालय पुणे अंतर्गत जिल्हा क्रीडा अधिकारी नांदेड यांनी आयोजित केलेल्या विभागीय शालेय कराटे स्पर्धेत सुवर्णपदक मिळवले.
लातूर विभागातून येणार्या विविध गटातील सर्व खेळाडूंनी यामध्ये सहभाग नोंदविला होता. या सर्व खेळाडू मधून सखा क्रीडा मंडळ, उदगीरच्या प्रशिक्षण केंद्राचे खेळाडू चमकदार कामगिरी करून दोन्ही खेळाडूंची, दिनांक २८ ते ३० नोव्हेंबर २०२४ रोजी धुळे येथे होणार्या राज्यस्तरीय शालेय कराटे स्पर्धेसाठी निवड झाली आहे. या यशासाठी सखा क्रीडा मंडळ चे संस्थापक अध्यक्ष तथा तज्ञ क्रीडा मार्गदर्शक, राष्ट्रीय पंच संदीप स. पवार , संस्थापक सचिव तथा संचालक सिकंदर आडे, एन एस कराटे स्कुल प्रशिक्षक नंदिनी धनुरे, दिपाली बिरादार, कराटे असोसिएशन उदगीर चे प्रशिक्षक ऋषीकेश घाटे, जिशान शेख, अनिकेत मलवाडे, अमर पाटील, जयभारत केंद्रे, व सखा क्रीडा मंडळ, एन एस कराटे स्कूल, कराटे असोसिएशन उदगीर, सेवा फाउंडेशन, योग क्लचर असोसिएशन, लातूर, झिमाई योग महाविद्यालय चे पदाधिकारी, सदस्य सर्व प्रशिक्षक, कर्मचारी यांनी अभिनंदन केले व पुढील स्पर्धेसाठी सुभेच्छा दिले.
About The Author
