संत ज्ञानेश्वर विद्यालयात संजीवन समाधी सोहळा उत्साहात संपन्न
संत ज्ञानेश्वर विद्यालयात संजीवन समाधी सोहळा उत्साहात संपन्न
अहमदपूर (गोविंद काळे) : येथील संत ज्ञानेश्वर विद्यालयात प्रति वर्षाप्रमाणे संत ज्ञानेश्वर संजीवन समाधी सोहळा विविध उपक्रम घेऊन मोठ्या उत्साहात साजरा करण्यात आला. यावेळी कार्यक्रमाच्या अध्यक्षस्थानी संस्था समन्वयक कुलदीप हाके पाटील तर प्रमुख मार्गदर्शक म्हणून ह.भ.प. गोपाल जोशी ढाळेगावकर , सहशिक्षक बालाजी फुलमंटे, मुख्याध्यापक आशा रोडगे, मुख्याध्यापक मीना तोवर यांच्यासह मान्यवरांची उपस्थिती होती.
दुपारी ठीक बारा वाजता गुलाल उधळण्याचा कार्यक्रम व ज्ञानेश्वर माऊली ची महाआरती करण्यात आली. यावेळी प्रवचनकार गोपाल जोशी यांनी संत ज्ञानेश्वर माऊली यांचा जीवन वृत्तांत उपस्थित सर्व पालकांच्या व विद्यार्थ्यांच्या डोळ्यासमोर ठेवला. अध्यक्षीय समारोप करताना कुलदीप हाके यांनी पसायदानाचा अर्थ विद्यार्थ्यांना समजून सांगितला. कार्यक्रमाचे प्रास्ताविक विद्यालयाच्या मुख्याध्यापिका आशा रोडगे यांनी सूत्रसंचालन शारदा तिरुके यांनी तर आभार मीना तोवर यांनी मांनले. शेवटी पसायदान घेऊन व सर्व विद्यार्थ्यांना महाप्रसाद देऊन कार्यक्रमाची सांगता करण्यात आली.
About The Author
