महात्मा फुले महाविद्यालयात अटल बिहारी वाजपेयी यांची जयंती साजरी
महात्मा फुले महाविद्यालयात अटल बिहारी वाजपेयी यांची जयंती साजरी
अहमदपूर (गोविंद काळे) : येथील महात्मा फुले महाविद्यालयात राष्ट्रीय सेवा योजना व सांस्कृतिक विभागाच्या वतीने भारताचे माजी पंतप्रधान भारतरत्न अटल बिहारी वाजपेयी यांची जयंती राष्ट्रीय सुशासन दिन म्हणून साजरी करण्यात आली. याबाबतची सविस्तर वृत्त असे की, महात्मा फुले महाविद्यालयाचे प्राचार्य डॉ. वसंत बिरादार पाटील यांच्या मार्गदर्शनाखाली आयोजित करण्यात आलेल्या भारतरत्न अटल बिहारी वाजपेयी जयंती कार्यक्रमाच्या अध्यक्षस्थानी प्रोफेसर डॉ. अनिल मुंढे हे होते तर क्रीडा संचालक तथा प्रोफेसर डॉ. अभिजीत मोरे यांची प्रमुख उपस्थिती होती. यावेळी मान्यवरांच्या हस्ते भारतरत्न अटल बिहारी वाजपेयी यांच्या प्रतिमेस पुष्प अर्पण करून अभिवादन करण्यात आले. या कार्यक्रमाचे प्रास्ताविक व सूत्रसंचालन सांस्कृतिक विभाग प्रमुख डॉ.पांडुरंग चिलगर यांनी केले तर आभार राष्ट्रीय सेवा योजनेचे कार्यक्रमाधिकारी डॉ. बब्रुवान मोरे यांनी मानले. यावेळी महाविद्यालयातील प्राध्यापक, कार्यालयीन कर्मचारी व विद्यार्थी मोठ्या संख्येने उपस्थित होते.
About The Author
