लोणीमोडच्या जि. प. प्रा. शाळेत स्काऊट गाईड गणवेश वाटप
लोणीमोडच्या जि. प. प्रा. शाळेत स्काऊट गाईड गणवेश वाटप
उदगीर (एल .पी.उगीले) : उदगीर तालुक्यातील लोणीमोड च्या जिल्हा परिषद प्राथमिक शाळेत स्काऊड गाईड गणवेशाचे उदगीर पंचायत समितीचे गटशिक्षणाधिकारी शफी कासीमसाब शेख व तोंडर येथील केंद्रीय प्राथमिक शाळेचे मुख्याध्यापक पठाण चांदखा अकबरखा यांच्या हस्ते इयत्ता पहिली ते चौथी पर्यंतच्या सर्व मुलामुलींना स्काऊड गाईड च्या गणवेशाचे वाटप करण्यात आले. या कार्यक्रमाच्या अध्यक्षस्थानी लोणीमोड च्या जिल्हा परिषद शाळेचे मुख्याध्यापक संजय वाघमारे तर प्रमुख पाहुणे म्हणून उदगीर पंचायत समिती चे गटशिक्षणाधिकारी शेख शफी , तोंडार केंद्रीय शाळेचे मुख्याध्यापक पठाण चांदखा अकबरखा , क्षेत्रफाळ जिल्हा परिषद शाळेचे मुख्याध्यापक संजीव स्वामी व शाळा व्यवस्थापन समितीचे अध्यक्ष शादुल शेख उपस्थित होते . यावेळी इयत्ता पहिली ते चौथी पर्यंतच्या विध्यार्थ्यांची गुणवत्ता तपासणी करण्यात आली, व विध्यार्थ्यांचे हस्थाक्षर लेखन पाहून गटशिक्षण अधिकाऱ्यांनी विध्यार्थ्याचे कौतुक केले.
यावेळी विध्यार्थ्यांच्या कलागुणांना वाव देण्यासाठी विविध उपक्रमाचे आयोजन करून विध्यार्थ्यांच्या अंगी असलेल्या सुप्त गुणांना वाव देऊन मुख्याध्यापक संजय वाघमारे , सहशिक्षिका सुगंधी भाग्यलक्ष्मी, शिक्षण सहाय्यक दिपक अंबुलगे यांचे अभिनंदन करून सर्वांना शुभेच्छा देण्यात आल्या. या कार्यक्रमाच्या यशस्वितेसाठी आदिल शेख, राहील शेख, प्रसाद खपरले, सुरज शिंदे, सागर शिंदे,आदी विध्यार्थ्यांनी परिश्रम घेतले.
About The Author
