नागतिर्थवाडी येथे महिला सभा व हळदी – कुंकू कार्यक्रम
नागतिर्थवाडी येथे महिला सभा व हळदी - कुंकू कार्यक्रम
उदगीर (एल.पी.उगीले) : नागतिर्थवाडी तालुका देवणी जिल्हा लातूर येथे ग्राम पंचायत कार्यालय नागतिर्थवाडी यांच्या वतीने ग्राम पंचायत कार्यालय येथे गावातील सर्व महिला साठी 26 जानेवारीच्या निमित्ताने व वार्षिक सर्वसाधारण सभेच्या अनुषंगाने महिला सभा व हळदी – कुंकू कार्यक्रम आयोजित करण्यात आलेल्या होता.
यावेळी ग्राम पंचायत अधिकारी यांनी महिला सभेची विषय पत्रिका वाचून ती समजावून सांगितली व त्याच बरोबर महिलाच्या दैनंदिन जीवनातील अडचणी जाणून घेवून त्यांच्या साठी व महिला बचतगटांना मिळणाऱ्या विविध कल्याणकारी योजनांची माहिती देण्यात आली, आणि त्यांचे आर्थिक सबलीकरण व्हावे. यासाठी स्वयं रोजगार गावातच उपलब्ध करून देण्यासाठी त्यांना सखोल असे मार्गदर्शन करण्यात आले.
या कार्यक्रमाचा समारोप हळदी कुंकवा निमित्ताने स्वच्छतेशी निगडित सुपली व आरोग्याशी निगडित बॉडी लोशन महिलांना वाण म्हणून देवून करण्यात आला.
यावेळी गावच्या लोकनियुक्त सरपंच सौ. कोमल राज गुणाले, ग्राम पंचायत अधिकारी मूर्के आय.एस., ग्रामपंचायत सदस्य व गावातील महिला मोठ्या संख्येने उपस्थित होत्या.
About The Author
