महाराष्ट्र उदयगिरी महाविद्यालयात बारावीच्या विद्यार्थ्यांना निरोप
महाराष्ट्र उदयगिरी महाविद्यालयात बारावीच्या विद्यार्थ्यांना निरोप
उदगीर (एल.पी.उगीले) : येथील महाराष्ट्र उदयगिरी महाविद्यालयात बारावी कला, वाणिज्य, विज्ञान शाखेच्या विद्यार्थ्यांना निरोप देण्यात आला. अध्यक्षस्थानी संस्थेचे सचिव रामचंद्र तिरुके होते. मंचावर प्राचार्य डॉ. आर. के. मस्के, उपप्राचार्य डॉ. एस. जी. पाटील, उपप्राचार्य एस. जी. कोडचे, पर्यवेक्षक प्रा. एस .व्ही. मुडपे, पर्यवेक्षक प्रा. टी. एन. सगर, परीक्षा समिती सदस्य प्रा. एस. एस. मजगे यांची उपस्थिती होती. यावेळी बोलताना प्राचार्य डॉ. मस्के यांनी विद्यार्थ्यांनी वर्षभर केलेल्या अभ्यासाचा संदर्भ देऊन आत्मविश्वास पूर्वक परीक्षा देण्याचे आवाहन केले. यावेळी रामभाऊ तिरुके म्हणाले की, बारावीची परीक्षा आपल्या आयुष्यातील महत्त्वाचे वळण असून विद्यार्थ्यांनी जिद्द, चिकाटी आत्मविश्वासाने केलेला अभ्यास सातत्याने सराव करून यश मिळवावे. अशी अपेक्षा व्यक्त करून विद्यार्थ्यांना भावी परीक्षेसाठी शुभेच्छा दिल्या. यावेळी प्रात्यक्षिक परीक्षा विषयी प्रा. एस. बी. बिरादार, प्रा. एस. टी. कांबळे, प्रा. एम. एन. धनाश्री, प्रा.डॉ. जी. एन. रणवीरकर यांनी विद्यार्थ्यांना माहिती दिली. उपप्राचार्य एस. जी. कोडचे व प्रा. एस. व्ही. मुडपे यांनी प्रास्ताविकात विद्यार्थ्याकडून महाविद्यालयाच्या अपेक्षा व्यक्त केल्या व शुभेच्छा दिल्या. सूत्रसंचालन प्रा. प्रवीण जाहूरे यांनी केले तर आभार प्रा.नागनाथ खांडेकर यांनी मानले.
About The Author
