महात्मा फुले महाविद्यालयाच्या एन. एस. एस.मध्ये रक्तदान शिबिर संपन्न
महात्मा फुले महाविद्यालयाच्या एन. एस. एस.मध्ये रक्तदान शिबिर संपन्न
अहमदपूर (गोविंद काळे) : येथील महात्मा फुले महाविद्यालयाच्या राष्ट्रीय सेवा योजनेचे निवासी विशेष शिबिर मौजे हसर्णी ता. अहमदपूर येथे सुरू असून या शिबिरांतर्गत भव्य रक्तदान शिबिर संपन्न झाले.
याबाबतचे सविस्तर वृत्त असे की प्राचार्य डॉ वसंत बिरादार पाटील यांच्या मार्गदर्शनाखाली तसेच कार्यक्रमाधिकारी डॉ. बब्रुवान मोरे, डॉ. संतोष पाटील, डॉ. सतीश ससाणे, प्रो.डॉ. अभिजीत मोरे यांच्या नेतृत्वाखाली महात्मा फुले महाविद्यालयाच्या राष्ट्रीय सेवा योजना विभागाचे विशेष शिबिर मौजे हासर्णी येथे सुरू असून या शिबिरामध्ये विविध समाज उपयोगी कार्यक्रमाचे आयोजन करण्यात आले असून दि. २७ जानेवारी २०२५ रोजी लातूर येथील माऊली ब्लड बँक यांच्या सहकार्याने भव्य रक्तदान शिबिराचे उद्घाटन महात्मा फुले महाविद्यालयाचे प्राचार्य डॉ. वसंत बिरादार पाटील यांच्या हस्ते करण्यात आले यावेळी सरपंच सौ. वैशाली करे यांच्यासह ग्रामस्थ उपस्थित होते.
रक्तदान शिबिराला हासर्णी ग्रामस्थांसह पंचक्रोशीतील नागरिकांनी प्रचंड प्रतिसाद देऊन एकूण २८ रक्तदात्यांनी रक्तदान करून शिबिर यशस्वी केले. यासाठी माऊली ब्लड बँकेचे संचालक बालाजी जाधव, बालाजी नरहरी, अनामिका कांबळे, ऐश्वर्या वाघमारे यांच्यासह राष्ट्रीय सेवा योजनेच्या स्वयंसेवक विद्यार्थी – विद्यार्थीनींनी सहकार्य केले.
About The Author
