महात्मा फुले महाविद्यालयात राष्ट्रपिता महात्मा गांधींना अभिवादन
महात्मा फुले महाविद्यालयात राष्ट्रपिता महात्मा गांधींना अभिवादनमहात्मा फुले महाविद्यालयात राष्ट्रपिता महात्मा गांधींना अभिवादन
अहमदपूर (गोविंद काळे) : येथील महात्मा फुले महाविद्यालयात भारतीय स्वातंत्र्यलढ्याचे ज्येष्ठ सेनानी तथा सत्याग्रहवादी भारताचे राष्ट्रपिता महात्मा गांधी यांच्या स्मृति दिनानिमित्त विनम्र अभिवादन करून हुतात्मा दिन साजरा करण्यात आला.
याबाबतचे सविस्तर वृत्त असे की, महात्मा फुले महाविद्यालयाच्या सांस्कृतिक विभाग व राष्ट्रीय सेवा योजना विभागाच्या वतीने प्राचार्य डॉ. वसंत बिरादार पाटील यांच्या मार्गदर्शनाखाली आयोजित करण्यात आलेल्या राष्ट्रपिता महात्मा गांधी स्मृती दिन व हुतात्मा दिन कार्यक्रमाच्या अध्यक्षस्थानी उपप्राचार्य डॉ. दुर्गादास चौधरी हे होते तर प्रो. डॉ. नागराज मुळे यांची प्रमुख उपस्थिती होती. यावेळी मान्यवरांच्या हस्ते राष्ट्रपिता महात्मा गांधी यांच्या प्रतिमेस पुष्प अर्पण करून अभिवादन करण्यात आले. तसेच दोन मिनिटे स्तब्ध राहून भारतीय स्वातंत्र्यातील ज्ञात -अज्ञात सर्व हुतात्म्यांना भावपूर्ण आदरांजली अर्पण करण्यात आली. या कार्यक्रमाच्या अध्यक्षीय समारोपाप्रसंगी उपप्राचार्य डॉ. दुर्गादास चौधरी यांनी राष्ट्रपिता महात्मा गांधी यांच्या जीवन व कार्यावर प्रकाश टाकला.
या कार्यक्रमाचे प्रास्ताविक व सूत्रसंचालन सांस्कृतिक विभाग प्रमुख डॉ.पांडुरंग चिलगर यांनी केली तर आभार संस्कृतिक विभागाचे सदस्य ह.भ.प. प्रो. डॉ. अनिल मुंढे यांनी मानले. यावेळी महाविद्यालयातील सर्व प्राध्यापक, कार्यालयीन कर्मचारी व विद्यार्थी मोठ्या संख्येने उपस्थित होते.
About The Author
