महात्मा फुले महाविद्यालयाच्या एनएसएस शिबिरात कृषी कार्यशाळा व पशु चिकित्सा शिबिर संपन्न
महात्मा फुले महाविद्यालयाच्या एनएसएस शिबिरात कृषी कार्यशाळा व पशु चिकित्सा शिबिर संपन्न
अहमदपूर (गोविंद काळे) : येथील महात्मा फुले महाविद्यालयाच्या राष्ट्रीय सेवा योजनेचे निवासी विशेष शिबीर मौजे हासर्णी ता. अहमदपूर येथे प्राचार्य डॉ. वसंत बिरादार पाटील यांच्या मुख्य मार्गदर्शनाखाली तसेच कार्यक्रमाधिकारी डॉ. बब्रुवान मोरे, डॉ. संतोष पाटील, डॉ. सतीश ससाणे, डॉ.ए. एस. मोरे यांच्या नेतृत्वाखाली दि. 25 जानेवारी पासून सुरू असून या शिबिरांतर्गत विविध समाजोपयोगी कार्यक्रमासोबतच शेतकऱ्यांसाठी कृषी कार्यशाळा तसेच पशुधन चिकित्सा शिबिर संपन्न झाले.
याबाबतचे सविस्तर वृत्त असे की, राष्ट्रीय सेवा योजना विभागाच्या विशेष शिबिरामध्ये आयोजित करण्यात आलेल्या कृषी कार्यशाळा या कार्यक्रमाच्या अध्यक्षस्थानी उपसरपंच बालाजी राऊतराव हे होते तर सहाय्यक कृषी अधिकारी संदीप आयनुले,मंडळ कृषी अधिकारी सुरज डावरे, सुरेश मोरे, मारोती भरडे यांची प्रमुख मार्गदर्शक म्हणून उपस्थिती होती. यावेळी शेतकऱ्यांना कृषी विषयक मार्गदर्शन करण्यात आले. तसेच पशुधन विकास अधिकारी डॉ. विलास केदार यांच्या मार्गदर्शनाखाली गावातील शेळ्या, म्हशी, गाई , बैल आदि १०० हून अधिक पशुधनाची चिकित्सा करून त्यांचे लसीकरण करण्यात आले.
ही कृषी कार्यशाळा व पशु चिकित्सा शिबिर यशस्वी करण्यासाठी राष्ट्रीय सेवा योजनेच्या स्वयंसेवकांसह ग्रामस्थांनी सहकार्य केले.
About The Author
