प्राचार्य डॉ.वसंत बिरादार यांचा सम्राट मित्र मंडळच्या वतीने सत्कार संपन्न

अहमदपूर, (प्रतिनिधी ) : येथील महात्मा फुले महाविद्यालयाचे प्राचार्य डॉ.वसंत बिरादार पाटील यांना अमेरिकेच्या सेंट्रल युनिव्हर्सिटी ऑफ अमेरिकेने डि.लीट. या सर्वोच्च पदवीने सन्मानित केल्याबद्दल सम्राट मित्र मंडळ अहमदपूरच्या वतीने सत्कार करून अभिनंदन केले व पुढील कार्यासाठी शुभेच्छा दिल्या.

याबाबतचे सविस्तर वृत्त असे की, मराठी साहित्याचे प्रसिद्ध साहित्यिक तथा समीक्षक, ज्येष्ठ पत्रकार, विचारवंत प्राचार्य डॉ. वसंत बिरादार पाटील यांनी केलेल्या शैक्षणिक, सामाजिक, सांस्कृतिक व पर्यावरण संबंधी विशेष कार्याची दखल घेऊन अमेरिकेच्या सेंट्रल युनिव्हर्सिटी ऑफ अमेरिका ने डि.लीट. या सर्वोच्च मानद पदवीने सन्मानित केले.

याबद्दल सम्राट मित्र मंडळ अहमदपूर च्या वतीने भारतीय जनता पार्टीचे युवा नेते व नगरपरिषदेचे माजी नगरसेवक डॉ.सिद्धार्थकुमार सूर्यवंशी यांनी तसेच अहमदपूर पंचायत समितीचे कार्यकारी सभापती प्रशांत जाभाडे, वंजारी सेवा संघ लातूरचे जिल्हाध्यक्ष गणेश मुंढे, पत्रकार अजय भालेराव व सचिन बनाते यांनी प्राचार्य डॉ.वसंत बिरादार पाटील यांचा यथोचित सत्कार करून अभिनंदन केले व पुढील कार्यासाठी शुभेच्छा दिल्या. यावेळी महाविद्यालयाचे उपप्राचार्य डॉ.दुर्गादास चौधरी उपस्थित होते.