क्राईस्ट इंटरनॅशनल स्कूलमध्ये शिक्षक दिवस उत्साहात साजरा

अहमदपूर (गोविंद काळे) : तळेगाव येथील क्राईस्ट इंटरनॅशनल स्कूल व ज्यूनियरमध्ये डॉ.सर्वपल्ली राधाकृष्णन यांचा जन्मदिन शिक्षक दिन म्हणून साजरा करण्यात आला. यावेळी कार्यक्रमामध्ये प्रमुख अतिथी शाळेचे संस्थाध्यक्ष श्री. जीवनकुमारजी मद्देवाड, अध्यक्षस्थानी प्राचार्य श्री. महेंद्र पांडे उपस्थित होते.
शाळेमध्ये शिक्षक दिनानिमित्त इयत्ता दहावीच्या विद्यार्थ्यांनी शिक्षकांची भूमिका निभावली. कार्यक्रमांमध्ये विद्यार्थ्यांनी आपल्या भाषणात शिक्षकाबद्दल आदर व्यक्त केला. नृत्य, अभिनय सादर केले. अतिथींच्या हस्ते शिक्षकांचा तसेच कर्मचाऱ्यांचा पुष्पगुच्छ व उपयोगी भेटवस्तू देऊन सत्कार करण्यात आला. संस्थाध्यक्षांनी आपल्या भाषणात सर्व विद्यार्थ्यांना, शिक्षकांना तसेच कर्मचाऱ्यांना मार्गदर्शन केले. कार्यक्रमाचे प्रास्ताविक श्री. टीजो जॉन्सन यांनी तर सूत्रसंचालन दहावीचे विद्यार्थी कु. माहेश्वरी धनुरे, कु. संजना कुलकर्णी, ऋग्वेद सांगवीकर व अर्णव रेड्डी यांनी केले. कार्यक्रमासाठी सुधाराणी केशव, गोविंद वलसे, संगमेश्वर ढगे, शीला क्लान्सी, संदीप दुबे, गोपाल गवळी तसेच सर्व शिक्षक आणि शिक्षकेतर कर्मचारी यांनी मेहनत घेतली होती. आभार दहावीचा विद्यार्थी विशाल फड यांनी मानले. कार्यक्रम यशस्वीपणे पार पडला.