महात्मा फुले महाविद्यालयात पंडित दिनदयाल उपाध्याय यांची जयंती साजरी

अहमदपूर (गोविंद काळे) : येथील महात्मा फुले महाविद्यालयात राष्ट्रीय सेवा योजना व सांस्कृतिक विभागाच्या वतीने जनसंघाचे माजी अध्यक्ष थोर विचारवंत स्व. पंडित दिनदयाल उपाध्याय यांची जयंती साजरी करण्यात आली. याबाबतचे सविस्तर वृत्त असे की, या कार्यक्रमाच्या अध्यक्षस्थानी महाविद्यालयाचे प्राचार्य डॉ. वसंत बिरादार पाटील होते तर उपप्राचार्य डॉ.डी.डी. चौधरी यांची प्रमुख उपस्थिती होती. यावेळी मान्यवरांच्या हस्ते पंडित दिनदयाल उपाध्याय यांच्या प्रतिमेचे पूजन करून अभिवादन करण्यात आले. या कार्यक्रमाच्या अध्यक्षीय समारोपाप्रसंगी प्राचार्य डॉ. वसंत बिरादार पाटील यांनी पंडित दिनदयाल उपाध्याय यांच्या जीवन व कार्यावर प्रकाश टाकला. या कार्यक्रमाचे प्रास्ताविक व सूत्रसंचालन सांस्कृतिक विभाग प्रमुख डॉ.बी.के. मोरे यांनी केले तर आभार एन.एस.एस. चे कार्यक्रमाधिकारी डॉ. पी.डी. चिलगर यांनी मानले. यावेळी प्रा.डॉ. अनिल मुंढे, प्रा.डॉ.एन. यु. मुळे, डॉ. सतिश ससाणे, कार्यालय प्रमुख प्रशांत डोंगळीकर आदी कोवीड-१९ च्या नियमांचे पालन करून उपस्थित होते.