जिल्हा स्तरीय आदर्श शिक्षक पुरस्कार प्राप्त गणित शिक्षकांचा सत्कार

अहमदपूर (गोविंद काळे) : जिल्हा परिषद लातूरच्या वतीने जिल्हा स्तरीय आदर्श शिक्षक पुरस्कारांचे नुकतेच वितरण झाले.यामध्ये अहमदपूर तालुक्यातील काही शिक्षकांचा समावेश आहे.त्यापैकी अहमदपूर तालुक्यातील दोन गणित शिक्षक अनुक्रमे बालाजी बेंबरे, मुख्याध्यापक जि प प्रशाला काजळ हिपरगा आणि श्री गुळवे बबनराव सर मुख्याध्यापक जि प प्रशाला खंडाळी यांचाही समावेश आहे. त्यामुळे अहमदपूर गणित अध्यापक मंडळाच्या वतीने या दोघांचाही सत्कार करण्यात आला. यावेळी जिल्हा कार्यकारिणी सदस्य विजयकुमार किलचे, जिल्हा कार्यकारिणी सदस्य शेख जिलानी, शिवानंद उंदिरकल्ले,राजकुमार बोराळकर, विष्णूपंत डांगे, मानसिंग गायकवाड, सुभाष कुटे, संतोष मालवदे आणि कांबळे यांची प्रमुख उपस्थिती होती.