चिकलठाणा सोसायटीच्या निवडणुकीत काँग्रेसच्या पॅनलचा धुवा, मातब्बर पराभूत

लातूर (प्रतिनिधी) : लातूर तालुक्यातील चिकलठाणा येथील विविध कार्यकारी सेवा सहकारी संस्थेच्या झालेल्या अटीतटीच्या तिरंगी लढतीत भाजपाचे जिल्हाध्यक्ष आ रमेशआप्पा कराड यांच्या नेतृत्वाखाली युवा शेतकरी विकास पॅनलने घवघवीत यश संपादन केले असून काँग्रेसच्या मातब्बर पुढाऱ्यांना पराभव पत्करावा लागला पंधरा वर्षापासून काँग्रेसच्या ताब्यात असलेली ही सोसायटी आता भाजपच्या ताब्यात आली आहे.

चिखलठाणा सोसायटीच्या निवडणुकीत तिरंगी लढत झाली कॉंग्रेसच्या पुढाऱ्यांनी सर्व ताकद पणाला लावूनही त्यांच्या पदरी निराशाच आली या निवडणुकीत विकास कारखान्याच्या संचालकासह तब्बल चौदा वर्षे चेअरमन असलेल्या काँग्रेस पुढाऱ्याचा पराभव झाला आणि भाजपाचे नेते आमदार रमेश आप्पा कराड यांच्या नेतृत्वाखालील युवा शेतकरी विकास पॅनलने प्रचंड घवघवीत यश संपादन केले. निवडणुकीच्या निकालानंतर भाजप कार्यकर्त्यांनी मोठा आनंदोत्सव साजरा केला.

चिकलठाणा येथील सोसायटीचे नवनिर्वाचित संचालक प्रताप पाटील व्यंकोबा इंगळे शाहूराज भरबडे शिवाजी भरबडे नितीन जाधव लक्ष्मीबाई इंगळे सरस्वती जाधव मोतीराम पांचाळ शिवदत्त भारती तुळशिराम कांबळे विकास इंगळे यांचा भाजपाचे जिल्हाध्यक्ष आ रमेशआप्पा कराड यांनी गुरुवारी सत्कार करून त्यांना पुढील कार्यासाठी शुभेच्छा दिल्या. यावेळी उमेश इंगळे प्रवीण पाटील बाळासाहेब इंगळे विशाल जाधव प्रशांत पाटील राजा भाऊ जाधव चेतन भरबडे बालाजी भरबडे यांच्यासह अनेक जण होते.