महात्मा फुले महाविद्यालयात महाराणा प्रताप व कर्मवीर भाऊराव पाटील यांना अभिवादन

अहमदपूर (गोविंद काळे ) : महान योद्धे महाराणा प्रतापसिंह महाराज यांना जयंतीनिमित्त व गोरगरीब बहुजनांच्या शिक्षणाची सोय करणारे थोर शिक्षण महर्षी कर्मवीर भाऊराव पाटील यांना स्मृतिदिनानिमित्त येथील महात्मा फुले महाविद्यालयात विनम्र अभिवादन करण्यात आले. महाविद्यालयाचे प्राचार्य डॉ. वसंत बिरादार पाटील यांच्या मार्गदर्शनाखाली झालेल्या या कार्यक्रमाच्या अध्यक्षस्थानी महाविद्यालयाचे उपप्राचार्य डॉ. दुर्गादास चौधरी हे होते. या कार्यक्रमाचे प्रास्ताविक व सूत्रसंचालन सांस्कृतिक विभागप्रमुख डॉ. बब्रुवान मोरे यांनी केले तर आभार प्रदर्शन डॉ. मारोती कसाब यांनी केले. यावेळी महाविद्यालयाचे ग्रंथपाल प्रा. परमेश्वर इंगळे, अजय मुरमुरे, शिवाजी चोपडे, चंद्रकांत शिंपी यांच्यासह महाविद्यालयातील सर्व प्राध्यापक व कर्मचारी, विद्यार्थी उपस्थित होते.