महात्मा फुले महाविद्यालयात बापूसाहेब पाटील एकंबेकर यांना अभिवादन

अहमदपूर (गोविंद काळे) : येथील महात्मा फुले महाविद्यालयात राष्ट्रीय सेवा योजना व सांस्कृतिक विभागाच्या वतीने किसान शिक्षण प्रसारक मंडळ उदगीरचे संस्थापक स्व. बापूसाहेब पाटील एकंबेकर यांच्या ३० व्या पुण्यतिथी निमित्त अभिवादन करण्यात आले.
याबाबतचे सविस्तर वृत्त असे की, महाराष्ट्र कर्नाटक सीमा लढ्याचे प्रणेते तथा किसान शिक्षण प्रसारक मंडळ, उदगीर चे संस्थापक माजी आमदार स्वर्गीय बापूसाहेब पाटील एकंबेकर यांच्या स्मृतिदिनाच्या कार्यक्रमाच्या अध्यक्षस्थानी महाविद्यालयाचे प्राचार्य डॉ. वसंत बिरादार पाटील हे होते तर उपप्राचार्य डॉ.दुर्गादास चौधरी यांची प्रमुख उपस्थिती होती. यावेळी प्राचार्य डॉ. वसंत बिराजदार पाटील यांनी अध्यक्षीय समारोपा प्रसंगी स्व.बापूसाहेब पाटील एकंबेकर यांच्या जीवन व कार्यावर प्रकाश टाकला.
या कार्यक्रमाचे प्रास्ताविक व सूत्रसंचालन राष्ट्रीय सेवा योजनेचे कार्यक्रमाधिकारी डॉ.पांडुरंग चिलगर यांनी केले तर आभार प्रो. डॉ. अनिल मुंढे यांनी मानले. यावेळी डॉ. सतीश ससाणे, डॉ.संतोष पाटील, कार्यालयीन प्रमुख प्रशांत डोंगळीकर, शिवाजी चोपडे यांच्यासह महाविद्यालयातील प्राध्यापक, कार्यालयीन कर्मचारी उपस्थित होते.