रहदारी नियंत्रणासाठी पोलीस प्रशासन आणि नगरपालिका प्रशासन रस्त्यावर

उदगीर : उदगीर शहरातील छत्रपती शिवाजी महाराज चौक ते उदयगिरी महाविद्यालय यादरम्यान राज्य मार्गाचे काम चालू असून एका भागाचे काम पूर्ण झाले आहे. त्याच भागावरून रहदारी होत असताना अनेक जण गैर मार्गाने पार्किंग करत आहेत, तसेच रस्त्यावरच ठेलेवाले, गाडीवाले हे थांबत असल्याने रहदारीला मोठा अडथळा निर्माण होतो आहे.
या संदर्भात वेगवेगळ्या प्रसिद्धी माध्यमांनी आवाज उठवला असता, पोलीस निरीक्षक गोरख दिवे आणि उदगीर नगरपालिकेचे मुख्याधिकारी शुभम क्यातमवर यांनी जिल्हा परिषदेच्या समोर रस्त्यावर थांबून रहदारीला शिस्त लावली. याबद्दल नागरिकाकडून त्यांचे कौतुक केले जात आहे.
वरिष्ठ अधिकाऱ्यांनी लक्ष देणे आवश्यक असते हे त्यांनी दाखवून दिले आहे.त्या मुळे शहरातील इतर यंत्रणा आपोआप कामाला लागली आहेत.कांहीं प्रमाणात शिस्त लागली असून नागरिकांनी वाहतुकीच्या नियमांचे पालन करणे गरजेचे आहे असे ही या वेळी पोलीस निरीक्षक गोरख दिवे यांनी सांगितले आहे.