शिवाजी महाविद्यालयाचे टेबल टेनिस स्पर्धेत यश

उदगीर (एल.पी.उगीले) : शिवाजी महाविद्यालयाच्या महिला व पुरुष संघाने टेबल टेनिस स्पर्धेत घवघवीत यश संपादन केले आहे. नुकत्याच ब विभागीय अंतर महाविद्यालयीन टेबल टेनिस महिला व पुरुष क्रीडा स्पर्धा पार पडल्या .त्यामध्ये शिवाजी महाविद्यालयाच्या महिलांच्या संघाने द्वितीय क्रमांक प्राप्त केला. तसेच पुरुष संघाने तृतीय क्रमांक प्राप्त केला. या यशाबद्दल नेहमीच प्रोत्साहित करणारे महाविद्यालयाचे प्राचार्य डॉ. विनायक जाधव यांनी विद्यार्थ्यांचा सत्कार केला व त्यांना शुभेच्छा दिल्या. किसान शिक्षण प्रसारक मंडलाचे सर्व कार्यकारिणी पदाधिकारी व सदस्य यांनी खेळाडूंचे अभिनंदन केले. या खेळाडूंचे सर्व स्तरातून कौतुक होत आहे.