किल्लारीत धाडसी चोरी; सोन्याच्या दागदागिन्यांसह रोख रक्कम लंपास
किल्लारी (प्रतिनिधी) : दि. 30 सप्टेंबर च्या रात्री अज्ञात चोरट्याने किल्लारीच्या मध्यवर्ती भागात असलेल्या घराचा कोंडा कापून कुलूप तोडून आत प्रवेश केला .कपाटाच्या लॉकरमध्ये ठेवलेले रोख ४० हजार रुपये व ३०ग्रॅम वजनाचे सोन्याचे गंठन,१० ग्रॅम वजनाचे सोन्याचे नेकलेस, प्रत्येकी २५ ग्रॅम वजनाच्या सहा सोन्याच्या अंगठ्या, ३० ग्रॅम वजनाच्या दोन सोन्याच्या पाटल्या, ७ ग्रॅम वजनाचे सोन्याचे झुमके दोन जोड, १० ग्रॅम वजनाचे सोन्याचे मंगळसूत्र असे अंदाजे किंमत २ लाख २५ हजार रुपये किंमतीचे दागिने, व ३०० ग्राम वजनाच्या चांदीच्या तीन वाट्या ५००० रुपये किंमतीचा मुद्देमाल १ ऑक्टोबर २०२२ रोजी अज्ञात चोरट्याने लंपास केल्याची घटना १ ऑक्टोबर रोजी घडली. याप्रकरणी किल्लारी पोलिसांत अज्ञाताविरुद्ध गुन्हा नाेंद आहे.
पोलिसांनी सांगितले, फिर्यादी प्रदीप बिबिशन जगताप , यांच्या किल्लारी येथील घराची कोंडी तोडून कपाटाचे कुलूप तोडून अज्ञात चोरट्याने घरात प्रवेश केला. घराची कडी काढून लॉकरमध्ये ठेवलेले रोख ४० हजार व २ लाख २० हजार रुपये किंमतीचे दागिने लंपास केले. रोख रक्कम व सोने असे दोन्ही मिळून २ लाख ६५ हजार रुपयांचा मुद्देमाल चोरट्याने लंपास केला असून, याप्रकरणी प्रदीप जगताप यांच्या तक्रारीवरुन अज्ञात चोरट्याविरुद्ध किल्लारी पोलिस ठाण्यात गुन्हा दाखल करण्यात आला आहे. पुढील तपास पीएसआय राजपूत करीत आहेत.
About The Author
