श्यामलाल हायस्कूल मध्ये आकाश कंदील कार्यशाळा संपन्न!

उदगीर (एल.पी.उगीले) : येथील श्यामलाल मेमोरियल हायस्कूल मध्ये हस्तकला कार्यानुभव उपक्रमांतर्गत दीपावली चे औचित्य साधून आकाश कंदील, पणत्या,ग्रीटिंग कार्ड बनवण्यासाठी संस्थाध्यक्ष ऍड. सुपोषपाणि आर्य सरांच्या मार्गदर्शनानुसार कार्यशाळेचे आयोजन करण्यात आले.

कार्यशाळेचे उद्घाटन संस्था सहसचिव अंजुमनीताई आर्य यांच्या शुभहस्ते संपन्न झाले. या कार्यक्रमाप्रसंगी संस्थाध्यक्ष सुपोषणपाणि आर्य सर शाळेचे मुख्याध्यापक आनंद चोबळे पर्यवेक्षक राहुल लिमये, सांस्कृतिक विभाग प्रमुख सुनील बागडे, हस्तकला, कार्यानुभव प्रमुख सुलभा तोलणवार विद्यार्थी प्रतिनिधी शेख उस्मान यांनी दीप प्रज्वलन केले. या उपक्रमांतर्गत आकाश कंदील, पणत्या, ग्रीटिंग कार्ड बनवण्याच्या कार्यशाळेमध्ये शाळेतील 300 विद्यार्थ्यांनी उत्स्फूर्त सहभाग नोंदवला व स्वतः सुंदर व आकर्षक असे आकाशकंदील, पणत्या, ग्रेटिंग कार्ड बनवले त्याचे प्रदर्शन शाळेच्या दर्शनी भागात भरवण्यात आले होते. विद्यार्थ्यांनी बनवलेल्या सुंदर आकर्षक हस्तकलांचे निरीक्षण संस्थाध्यक्ष सुपोषपाणी आर्य सर संस्था सहसचिव अंजुमनीताई आर्य यांनी केले व विद्यार्थ्यांचे कौतुक केले. विद्यार्थ्यांनी अशाच प्रकारे आपल्या सुप्त कलागुणांना वाव द्यावा व नवनवीन उपक्रमांमध्ये उत्स्फूर्त सहभाग नोंदवून आपली कला दाखवावी यासंबंधी मार्गदर्शन संस्थाध्यक्ष सूपोषपाणि आर्य सर यांनी केले. मुख्याध्यापक आनंद चोबळे यांनी या उपक्रमास विद्यार्थ्यांनी भरभरून प्रतिसाद दिला व सहभाग नोंदवला याबद्दल सर्वांचे अभिनंदन व कौतुक केले. कार्यक्रम यशस्वीरित्या संपन्न झाला.