माजी गृहराज्यमंत्री आमदार संजय बनसोडे यांना शांतता पुरस्काराने सन्मानित

उदगीर (एल.पी.उगीले) : तालुक्याचा सर्वांगीण विकास आणि सामाजिक कार्यातील अतुलनीय योगदानाबद्दल मुहम्मद सल्लल्लाहू अलैहीवसल्लम सब के लिए व मज़लीस-ए-ज़िक्र सुलूक या कार्यक्रमात उदगीर विधानसभेचे आमदार तथा माजी गृह राज्यमंत्री संजय बनसोडे यांना शांतता पुरस्काराने (पीस अवॉर्ड) सन्मानित केले.

मस्जिद-ए-बेगजी येथे जलसे-ए-आम मुहम्मद सल्लल्लाहु अलैहीवासल्लम सगळ्यांसाठी या विषयावर कार्यक्रमाचे आयोजन करण्यात आले होते.

या कार्यक्रमात हाफिज व कारी शाहमुहम्मद अब्दुल मुख्तदीर कुरेशी यांनी माजी गृह राज्यमंत्री आमदार संजय बनसोडे यांच्या कामाची दखल घेऊन केलेल्या कार्याला उजाळा देत त्यांना शांतता पुरस्काराने सन्मानित केले.

पुरस्काराची ऊर्जा येणाऱ्या काळात या मतदारसंघाचा भौगोलिक विकास करण्यासाठी नक्कीच प्रेरणादायी व ऊर्जा देणारी असणार आहे, असे सांगितले. व सर्वांचे आभार व्यक्त केले. या अगोदर आमदार संजय बनसोडे यांना बसवराज मुळे मित्र मंडळाच्या वतीने विकासरत्न पुरस्कार देऊन सन्मानित करण्यात आले होते.

या वेळी कार्यक्रमात मुस्लिम धर्म गुरु सोबत उदगीर चे माजी नगरअध्यक्ष राजेश्वर निटुरे, माजी नगर सेवक मंजूरखा पठान, राष्ट्रवादी काँग्रेसचे शहराध्यक्ष शेख समीर, मनोज कपाळे, श्रीरंग कांबळे, शंकर भुईनवाळ, इब्राहिम नाना, आदी शहरातील प्रमुख नागरिक उपस्थित होते.